وفاقی داخلہ ءِ وزیر محسن نقوی ءِ  گوشتگ  کہ ایوک ءَ ہما راج کہ استادانی عظمت، کردار ءُ حیثیت ءَ من انت آ دیمروئی کن انت

اسلام آباد۔5اکتوبر  (اے پی پی): وفاقی داخلہ ءِ وزیر محسن نقوی ءَ درستیں استاد آناں ارزشتی ایں ازمت آنی سر ءَ شگر ءُ منت گپت ءُ گوشت کہ چاگرد آنی فکری بلندی، دود ءُ ربیدگ ءِ شرپ ءُ راجی پجار استاد آنی رہشونی ءِ مدیون انت۔ یک شمبے ءِ روچ ءَ استاد آنی جھان ءِ روچ ءِ موہ ءَ وتی کلوہ ءِ تہ ءَ وفاقی وزیر داخلہ ءَ گوشت کہ مرچی ھما پاکیں شخصیت آنی نام ءَ روچ اِنت کہ آھاں ھرچ جاور ھال ءَ وتی محنت ءَ گوں زانت ءِ چراگ ءَ را رُژنائی ءَ داشتگ۔ تھنا ھما راج کہ استادانی مزنیں بستار، کردار ءُ بستار ءَ منّ اَنت آ دیمروئی کن اَنت۔ محسن نقوی ءَ گوشت کہ اے روچ مارا ھما ھزمت ءُ قربانیانی یات ءَ دنت کہ استاد وتی وت ءَ چہ انکار کنان ءَ نسل آناں مول ءُ مراد جوڑ کنگ ءِ واستہ کن اَنت۔ ارتفاع فکری، دود ءُ ربیدگ ءِ شرپ ءُ راجانی راجی پجار استادانی رہشونی ءِ مدیون انت۔ استاد ھما پجّار اِنت کہ پیغمبرانی میراث ءِ جار جنگ بوتگ۔ محسن نقوی ءَ گْوشتگ کہ رسول اللہ صلی اللہ علیہ وسلم ءَ گْوشتگ کہ من ءَ استاد ءِ بستار ءَ دیم دیگ بوتگ ءُ اے گپ استاد ءِ بستار ءَ پاک کنت۔ قرآن پاک ءَ وانگ ءُ زانگ ءُ تربیت ءِ نیام ءَ سیادی ءَ را مقدس تریں رسالت جوڑ کتگ ءُ گُشتگ کہ ”آہاں کتاب ءُ حکمت ءِ وانینگ“۔ آئی ءَ گوشت کہ اللہ تعالیٰ ءَ من ءَ ھما پجّار داتگ ایشی ءِ تہ ءَ منی عزت مندیں استاد آنی تربیت، محنت ءُ لگن ھوار انت۔ آئی ءَ گوشت کہ من وتی اُستادانی مھروان ءَ ھچ رنگ ءَ چست کُت نہ کناں۔ استاد نسلاں فکر ءِ ہدایت، کردار ءِ ہدایت ءُ چاگردی شعور دنت۔ راجدپتر گواہ اِنت کہ ہر دور ءِ مزنی چہ ہما نسل ءَ پیداک اِنت کہ یک مزنیں استادے ءَ تربیت داتگ۔ بیا اِت کہ ما مرچی اجتماعی وعدہ ءَ بہ کنیں کہ ما استادانی احترام ءَ ریاستی بیانیہ ءِ یک مرکزی بہرے جوڑ کنیں۔ ہر کس ءَ اے جزم ءِ پدا زور دیگی اِنت کہ ما استادانی احترام ءَ را یک نظریہ یے ءِ رنگ ءَ زوریں ۔