مزن وزیر محمد شہباز شریف ملائیشیا ءِ سرکاری تر ءُ تاب ءَ کوالالمپور  ءَ روادگ بوتگ

لاہور ۔5اکتوبر  (اے پی پی): مزن وزیر محمد شہباز شریف ملائیشیا ءِ سرکاری تر ءُ تاب ءَ کوالالمپور ءَ شتگ۔ مزن وزیر ءِ ھمراھی ءَ نائب مزن وزیر ءُ دری کارانی وزیر اسحاق ڈار، وفاقی وزیر ءِ ھال ءُ اھوال عطا اللہ ترار ءُ مزن وزیر ءِ ھاسیں کمکار طارق فاطمی ھمبراھی ءَ انت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ملائیشیا ءِ مزن وزیر انور ابراہیم ءِ دعوت ءِ سر ءَ 5 اکتوبر ءَ چہ 7 اکتوبر ءَ ملائیشیا ءِ تر ءُ تاب ءَ انت۔ تر ءُ تاب ءِ ساھت ءَ مزن وزیر ملائیشیا ءِ مزن وزیر ءَ گوں گند ءُ نند کنت، وھدیکہ دوئیں ملک آنی نیام ءَ ڈل آنی تک ءَ ھم گپ ءُ تران بیت، ایشی ءِ تہ ءَ جتاجتائیں شوبگ آنی تہ ءَ دوئیں ملک آنی نیام ءَ کمکی معاہدہ ءُ مفاہمت نامہ آنی سر ءَ دستخط کنگ بیت۔ دوئیں رہشون تجارت، آئی ٹی ءُ ٹیلی کام، حلال انڈسٹری، سرمایہ کاری، وانگ ءُ زانگ، توانائی، انفراسٹرکچر ءُ ڈیجیٹل معیشت ءِ تہ ءَ دو نیمگی کمک ءَ را گیش کنگ ءِ سر ءَ ھم ھیال ءُ لیکہ کن اَنت۔ مردم آنی نیام ءَ رابطہ آنی تہ ءَ گیشی ءِ واستہ نوکیں کمک ءِ موہ آناں شوھازگ ءِ سر ءَ ھم گپ ءُ تران کنگ بیت۔