مزن وزیر شہباز شریف مرچی ملائیشیا ءِ سئے روچی سرکاری تر ءُ تاب ءَ روگ ءَ انت

اسلام آباد۔5اکتوبر  (اے پی پی): مزن وزیر محمد شہباز شریف ملائیشیا ءِ مزن وزیر انور ابراہیم ءِ دعوت ءِ رد ءَ یک شمبے ءِ روچ ءَ (مرچی) ملائیشیا ءِ سئے روچی سرکاری تر ءُ تاب ءِ واستہ روگ ءَ انت۔ یک شمبے ءِ روچ ءَ سوشل میڈیا پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ مزن وزیر محمد شہباز شریف ءَ گوشت کہ من ءَ وشی اِنت کہ اے تر ءُ تاب ءِ ساھت ءَ دوئیں ملک آنی نیام ءَ تجارتی ءُ اقتصادی سیادی آناں دیمروئی دیگ ءِ ھوار ءَ جتا جتائیں شوبگ آنی تہ ءَ دو نیمگی کمک ءَ را گیش کنگ ءِ واستہ سرجمیں گپ ءُ تران بیت۔ مزن وزیر ءَ گوشت کہ تر ءُ تاب ءِ ساھت ءَ ملائیشیا ءِ سروکی ءَ گوں ھاسیں جھان ءُ دمگی جیڈھ آنی سر ءَ ھم ھیال ریچی کنگ بیت۔ مزن وزیر ءَ اے امیت سہرا کت کہ آیوکیں وھد ءَ پاکستان ءُ ملائیشیا ءِ سیادی گیش مھکم بنت۔