آئی ایس پی آر ءَ ھال داتگ کہ بھارتی فوجی بیان جنوبی ایشیا ءِ امن ءَ را ھترناک کنگ ءَ اَنت

راولپنڈی ۔4اکتوبر  (اے پی پی):پاکستان ءَ بھارتی فوجی سروکی ءِ غیر ذمہ دارانہ رویہ ءَ را جنوبی ایشیا ءِ امن ءُ ایمنی ءِ واستہ پریشان کنوکیں لیک اتگ۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءَ گوشت کہ ما بھارتی سیکورٹی اسٹیبلشمنٹ ءِ مزنیں تک ءِ دمگ آنی نیمگ ءَ چہ داتگیں مبہم، اشتعال انگیز ءُ جنونی بیان آنی سر ءَ سک باز جیڑگ ءَ ایں ۔ اے غیر ذمہ دارانہ بیان جارحیت ءِ بہانہ جوڑ کنگ ءِ نوکیں جہد ءِ نشانی انت۔ اے امکان ءِ سبب ءَ جنوبی ایشیا ءِ امن ءُ ایمنی ءِ ھاتر ءَ سنگینیں آسراتی بوت کنت۔ بھارت دہائیاں چہ شکار بوھگ ءِ ڈرامہ جوڑ کنگ ءَ اِنت ءُ پاکستان ءِ منفی رنگ ءَ پیش دارگ ءَ بھارت ءَ مدام چہ ایشی ءَ پائدگ چست کتگ ءُ جنوبی ایشیا ءُ چہ ایشی ءَ دریں دمگاں زوراکی ءُ ناشرکاری ءِ سبب جوڑ بوتگ۔ ہندوستان ءِ بیانیہ بے ننگ بوتگ ءُ نوں دنیا سرحد ءِ سرا ناشرکاری ءِ اصل دیم ءُ دمگی بے رھبندی ءِ ڈرائیور ءِ گواہ اِنت۔ بلے ہندوستان ءَ سرپدی رستگ۔ اے سال ءِ بندات ءَ پاکستان ءِ سر ءَ ھندوستان ءِ زوراکی ءَ دوئیں ایٹمی طاقت مزنیں جنگ ءِ کش ءَ سر کتگ اَنت بلے انچوش سما بیت کہ ھندوستان ءَ وتی جنگی بالی گرابانی ملبہ ءُ پاکستان ءِ دراجیں دوری ءِ میزائلانی سبب ءَ بوتگیں تباہی شموشتگ اَنت۔ حافظہ ءِ کمی ءِ آماچیں ہندوستان انچو گمان بیت کہ آ جنگ ءِ آیوکیں پڑ ءِ ھاترا تڑسگ ءَ اِنت۔ بھارتی وزیر دفاع ءُ آئی ءِ آرمی ءُ ایئر چیفز ءِ سکیں اشتعال انگیز بیان آنی رد ءَ ما بھارت ءَ را ھال دئیں کہ آیوکیں جنگ مزنیں تباہی ءِ سوب جوڑ بوت کنت۔ اگاں دژمن ءِ نیمگ ءَ کجام ھم نوکیں مہم جوئی ءِ کوشست کنگ بہ بیت گڑا پاکستان پشت نہ کپ ایت ءُ مھکمی ءُ بے چک ءُ پد ءَ پسو ءَ دنت۔ آ بہ زان اَنت کہ پاکستان ءَ ھم پسو ءِ نوکیں رہبندے جوڑ کتگ کہ آ زوتیں، فیصلہ کنوکیں ءُ تباہ کنوکیں رہبندے بیت۔ بے جاہیں ھترہ ءُ بے پرواہیں زوراکیانی ھلاپ ءَ پاکستان ءِ راج ءُ سلاہ بندیں اُرد ءِ تہ ءَ اے توان ءُ جزم ھست کہ آ جنگ ءَ دژمن ءِ سرزمین ءِ ھما کش ءُ گوراں سر بہ کن اَنت۔ اے رندی ما جغرافیائی سلامتی ءِ گمان ءَ ٹُکّر ٹُکّر کنیں ءُ ہندوستان ءِ دور تریں سیمسراں ہڑتال کنیں۔ داں ھما جاہ ءَ کہ آ پاکستان ءَ چہ نقشہ ءَ مٹ کنگ ءِ گپ ءَ کنگ ءَ اَنت ھندوستان ءَ اے گپ زانگی اِنت کہ آ ھم نقشہ ءِ سر ءَ نہ بیت۔