مزن وزیر محمد شہباز شریف ءِ سروکی ءَ ملک دیمروی ءِ نیمگ ءَ جنزان انت، پاکستان اسرائیل ءَ نہ منگ ءَ انت، سردار ایاز صادق

لاہور۔4اکتوبر  (اے پی پی):راجی اسمبلی ءِ اسپیکر سردار ایاز صادق ءَ گوشت کہ مزن وزیر محمد شہباز شریف ءِ سروکی ءَ ملک دیمروئی ءِ نیمگ ءَ روگ ءَ اِنت، دگنیا پاکستانی معیشت ءَ را من ایت، پاکستان اسرائیل ءَ را منگ ءَ نہ اِنت، پاک سعودی ءِ دفاعی معاہدہ ارب ءِ دیمروئی ءِ ارزشت ءَ دار اِیت۔ حلقہ ءِ تہا کنگ بوتگ۔ اے ھیالانی درشانی آئی ءَ شمبے ءِ روچ ءَ وڈا گجران یو سی 175 ءَ جتاجتائیں دیمروئی منصوبگ آنی بنگیج ءِ موہ ءَ لس مچی ءَ گوں تران کنان ءَ کت۔ اے موہ ءِ سر ءَ صوبائی وزیر ءِ چاگردی گہبود ءُ بیتلم مال سہیل شوکت بٹ ھم ساڑی ات۔ راجی اسمبلی ءِ اسپیکر سردار ایاز صادق ءَ گوشت کہ مزن وزیر محمد شہباز شریف ءِ جوانیں حکمت عملی ءِ سبب ءَ ملک ءِ معیشت مھکم بوتگ، پاکستان ءِ سر ءَ دگنیا ءِ بھروسہ گیش بوھگ ءَ اِنت، ھر وھد ءَ کہ مسلم لیگ ن ءَ اقتدار وتی دست ءَ گپتگ گڑا آئی ءَ مزن وزیر محمد شہباز شریف ءِ اگدہ ءِ سر ءَ جرم ءِ آماچ کتگ۔  پاکستان ءِ آیوکیں باندات روشن انت، آ روچ دور نہ انت کہ پاکستان دنیا ءِ دیمروئی کتگیں ملکانی تہا ھوار بیت۔ آئی ءَ گوشت کہ سعودی عرب ءَ پاکستان ءِ گوما ھما معاہدہ کتگ آ راجدپتری ارزشت ءِ واھند اِنت، حضرت اللہ صلى الله عليه وسلم ءُ کعبہ ءِ رکھینگ ءِ ذمہ واری پاکستان ءِ سر ءَ شرپ ءَ چہ کم نہ اِنت، پاک ءُ سعودی معاہدے ءِ رد ءَ سعودی عرب ءِ سر ءَ اُرش پاکستان ءِ سر ءَ اُرش لیکگ بیت وھدیکہ پاکستان ءِ سر ءَ اُرش لیکگ بیت۔ عرب، اللہ تعالیٰ ءَ انصاف ءِ جنگ ءَ پاکستان ءِ شرپ داتگ ءُ پاکستانی لشکر ءَ ہندوستان ءِ ارزشت داریں رافیل بالی گراب ایر جتگ، اے مزنیں سوبمندی ءِ سر ءَ امریکہ ءُ ترکی ءِ سروک پاکستان ءِ سروکی ءُ فوجی کمانڈراں گوں گند ءُ نند کنگ ءَ انت کہ آ پاکستان ءَ سرمایہ کاری بہ کن انت۔ آئی ءَ گوشت کہ پاکستان اسرائیل ءَ منگ ءَ نہ اِنت، اسرائیل ءَ جنگ نہ بوھگ ءَ اِنت، بلے کشتارے بوھگ ءَ اِنت، پاکستان ءُ دگہ ھشت ملکاں اسرائیل ءَ چہ گزہ ءَ درکپگ ءِ گوشتگ، پمیشکا ایشی ءِ سر ءَ سیاست کنگ مہ بیت، اے انچیں سیاست اِنت کہ نہ فلسطین ءِ اُلس ءِ ھزمت ءَ اِنت ءُ نہ پہ مسلمانیں امت ءَ جوان اِنت۔ وھدے کہ پاکستان ءَ گوں چین ءَ سی پیک ءِ معاہدہ کتگ گڑا منصوبگ ءِ ھلاپ ءَ پندل سازگ بوتگ ءُ نوں سی پیک دوم بوھگ ءَ انت گڑا پاکستان ءِ دیمروئی ءِ ھلاپ ءَ پندل سازگ بوھگ ءَ انت ۔ پاکستان ءُ سی پیک ءِ ھلاپ ءَ پندل سازوکیں عناصر ءِ احتساب کنگ بیت، سرکار ءُ سیکورٹی فورسز یکجائی ءَ آھانی ھلاپ ءَ کارروائی کن اَنت۔ ایاز صادق ءَ گیش گوشت کہ حکومت سینیٹر مشتاق ءِ یلہ کنگ ءِ واستہ کوشست کنگ ءَ انت، آزات کشمیر ءَ کانود وتی دست ءَ زرتگیں مردمانی ھلاپ ءَ سکیں کارروائی کنگ بیت۔ سردار ایاز صادق ءَ گوشت کہ مسلم لیگ ن یک راجی پارٹی یے ءُ آ راج ءِ جیڈھ آنی سر ءَ سرجمی ءَ سرپد اِنت، سرجمیں ملک ءَ دیمروئی ءِ کار گوں ترندی ءَ روگ ءَ اَنت، مزن وزیر محمد شہباز شریف ءُ سر وزیر مریم نواز شپ ءُ روچ کار کنگ ءَ اَنت پنجاب ءَ راج ءِ ھزمت ءَ کن اَنت سرجم بوتگ کہ پیسر ءَ ھچ پارٹی ءَ دلگوش نہ داتگ ات، ایشی ءَ پد حلقہ ءِ ھچ جیڑھ نہ بیت۔ قومی اسمبلی ءِ صدر ءَ گوشت کہ حلقہ ءِ تہ ءَ ارباں کلدار ءِ منصوبگ آنی سر ءَ کار بوھگ ءَ انت۔ یو سی 175 ءِ مستریں جیڑہ سیوریج بوتگ کہ ایشی ءِ سبب ءَ سرجمیں دمگ جیڑہانی آماچ بوتگ۔ اے جیڑہ نوکیں بنیاد ءِ سرا گیش ءُ گیوار کنگ بوہگ ءَ انت۔ ما اے گپ ءِ سرا ہر وڑیں کوشست کنگ ءَ ایں کہ حلقہ ءِ ہچ کوچگ گند ءُ نند ءِ آپ ءَ چہ زبہر مہ بیت۔ ادا دو ٹیوب ویل ھم ایر کنگ بوھگ ءَ انت ءُ ادا بیست ملین کلدار ءِ ھرچ ءَ سیوریج ایر کنگ بوھگ ءَ انت وھدے کہ حلقہ ءِ تہ ءَ پنجاہ ءُ پنچ ملین کلدار ءِ ھرچ ءَ سڑک جوڑ کنگ ءُ مرمت کنگ بوھگ ءَ انت۔ مناوان نادراھجاہ ءَ نوکیں اصلاحات آرگ بوھگ ءَ انت ءُ ایشی ءَ را پدا جنرل نادراھجاہ جوڑ کنگ بوھگ ءَ انت۔ صوبائی وزیر سوشل ویلفیئر ءُ بیت مال سہیل شوکت بٹ ءَ مچی ءَ گوں تران کنان ءَ گوشت کہ آئی ءَ بنجاھی وزیر مریم نواز ءِ منت گپت کہ آئی ءَ منی حلقہ ءِ سر ءَ ھاسیں دلگوشی داتگ ءُ اے دمگ ءِ بنیاتی جیڈھ آنی گیواری ءِ واستہ ارباں کلدار ءِ منصوبگ بندات کتگ۔ آئی ءَ گوشت کہ بنجاھی وزیر ءَ سرجمیں صوبگ ءَ دیمروئی ءِ زرّ آناں بے درور ءَ بھر ءُ بانگ کتگ، اے حلقہ ءَ چہ مسلم لیگ ن ءِ نمائندہ سوبمند بوتگ یا نہ بوتگ آئی ءَ زرّ انصاف ءَ بھر ءُ بانگ کتگ اَنت۔ مریم نواز ءِ سروکی ءَ پنجاب ءَ شپ ءُ روچ ڈبل ءُ چار رند ءَ دیمروئی کنگ ءَ انت، صوبہ ءَ آہانی کارکردگی چہ درستیں پیسریگیں حکومتاں باز رند ءَ شرتر انت۔