دری کارانی کارگس ءِ جارکش ءَ مزن وزیر محمد شہباز شریف 5 ءَ بگر داں 7 اکتوبر ءَ ملائیشیا ءِ سرکاری تر ءُ تاب ءَ کنت

اسلام آباد۔4اکتوبر  (اے پی پی):ملائیشیا ءِ مزن وزیر انور ابراہیم ءِ دعوت ءِ رد ءَ مزن وزیر محمد شہباز شریف 5 ءَ بگر داں 7 اکتوبر 2025 ءَ ملائیشیا ءِ سرکاری تر ءُ تاب ءَ کنت۔ آئی ءِ ھمراھی ءَ مزن تک ءِ ڈل ھم ھوار بیت کہ ایشی ءِ تہ ءَ نائب مزن وزیر ءُ وزیر ءِ درئی کار، وفاقی وزیر ءُ مزنیں سرکاری کارندہ ھوار اَنت۔ اے تر ءُ تاب پاکستان ءُ ملائیشیا ءِ نیام ءَ دیریں ءُ مھکمیں شریکداری ءِ درشان اِنت ایشی ءِ تہ ءَ وت مہ وتی احترام، یکجائی نپ ءُ جتا جتائیں پڑ آنی تہ ءَ نزیکیں کمک ءِ درشان اِنت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف وتی ملائیشیا ءِ ھمکار ءِ گوما دو نیمگی گپ ءُ تران کنت ایشی ءِ تہ ءَ دمگی ءُ جھان ءِ جیڈھ آنی سر ءَ گپ ءُ تران کنگ بیت۔ دوئیں رہشون تجارت، انفارمیشن اینڈ کمیونیکیشن، آئی ٹی ءُ ٹیلی کام، حلال انڈسٹری، سرمایہ کاری، وانگ ءُ زانگ، توانائی، انفراسٹرکچر، ڈیجیٹل معیشت ءُ مردم آنی نیام ءَ رابطہ ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ امکانات آنی سر ءَ ھم ھیال ءُ لیکہ کن اَنت۔ تر ءُ تاب ءِ ساھت ءَ دوئیں ملک آنی نیام ءَ استیں ءُ نوکیں پڑ آنی تہ ءَ کمک ءِ ھوالگ ءَ معاہدہ ءُ مفاہمت نامہ آنی سر ءَ دستخط کنگ ءِ ھم امکان است انت۔ اے تر ءُ تاب ءَ چہ دوئیں ملک آنی امن، برجائی، تجارت ءُ سرمایہ کاری ءُ برجائی دیمروئی ءِ واستہ یکجائی ءَ کار کنگ ءَ برجاہ دارگ ءَ پاکستان ءُ ملائیشیا ءِ نیام ءَ سیادی آناں گیش مھکم کنگ ءِ عزم ءِ پدا پدر کنگ بیت۔ مزن وزیر محمد شہباز شریف ءِ ملائیشیا ءِ تر ءُ تاب ءَ چہ دوئیں ملک آنی نیام ءَ دوستی ءُ کمک ءِ مھکمیں بُن ھشت گیش مھکم ءُ گیش بنت۔