نائب مزن وزیر سینیٹر محمد اسحاق ڈار  ءَ سعودی عرب ءِ دری کارانی وزیر شہزادہ فیصل بن فرحان ءَ گوں ٹیلی فون ءِ سر ءَ گپ ءُ تران کتگ ، دمگی دیمروئی ، ھاسیں رنگ ءَ غزہ ءِ جاور ھال آنی سر ءَ گپ ءُ تران

اسلام آباد۔4اکتوبر  (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار  ءَ سعودی ءِ درئی کارانی وزیر شہزادہ فیصل بن فرحان السعود ءَ گوں ٹیلی فون ءِ سر ءَ گپ ءُ تران کتگ ءُ دمگی دیمروئی ھاسیں رنگ ءَ غزہ ءِ جاور ھال آنی سر ءَ گپ ءُ تران کتگ۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیام ءَ دمگی دیمروئی ھاسیں رنگ ءَ غزہ ءِ جاور ھال آنی سر ءَ گپ ءُ تران بوتگ۔ آہاں برجاھیں سفارتی کوشست آنی سر ءَ چار ءُ تپاسی کت، ایشی ءِ تہ ءَ ھشت عرب ءُ اسلامی ملک ءُ امریکہ ءِ نیام ءَ نیویارک ءَ بوتگیں ھواریں ءُ شور ءُ سلاھ ھوار انت کہ ایشی ءِ مول ءُ مراد زوت ءُ برجمیں جنگ بندی ءِ ھاترا ، بے رکاوٹیں انسانی کمک ءِ پک کنگ ءُ غزہ ءَ دائمی امن ءِ پک کنگ انت۔ نائب مزن وزیر ءَ سعودی وزیر ءِ درئی کار ءِ اے کوشست آنی تہ ءَ برجاھیں ھوار بوھگ ءُ جوڑیشت ءِ کرد ءَ را ساڑات۔ ایشانی تہا صدر ڈونلڈ ٹرمپ ءِ تجویز ءِ سرا حماس ءِ پسو ءِ سرا ہم گپ ءُ تران بوتگ۔ دوئیں وزیراں فلسطین ءِ مول ءُ مراد ءِ ھاترا وتی مھکمیں عزم ءِ پدر کنگ ءَ انت۔ آہاں عرب ءُ اسلامی شریک ءُ ہمے رنگ ءَ میان استمانی براتی ءِ گوما نزیکیں رابطہ ءِ تہا دارگ ءِ سرا تپاک کت کہ دو ریاستی حل ءِ بنیاد ءَ یک عادلانہ، جامع ءُ دائمی امن ءِ دیم ءَ برگ بہ بیت۔