نائب مزن وزیر سینیٹر محمد اسحاق ڈار  ءَ مصر ءِ دری کارانی وزیر ءَ گوں ٹیلی فون ءِ سر ءَ گپ ءُ تران کت، دو نیمگی سیادی ءُ دمگی دیمروئی ءِ بابت ءَ ھاسیں رنگ ءَ غزہ ءِ گرانیں جاور ھال آنی بابت ءَ گپ ءُ تران

اسلام آباد۔4اکتوبر  (اے پی پی):مصر ءِ درئی کارانی وزیر ڈاکٹر بدر عبدلطیءَ گوں نائب مزن وزیر ءُ دری کارانی وزیر سینیٹر محمد اسحاق ڈار ءَ ٹیلی فون ءِ سر ءَ گپ ءُ تران کت ءُ دو نیمگی سیادی ءُ دمگی دیمروئی ءِ ھاسیں جیڈھ آنی سر ءَ ھاسیں رنگ ءَ غزہ ءِ گرانیں جاور ھال آنی سر ءَ گپ ءُ تران کت۔ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ دوئیں وزیر آنی نیام ءَ دو نیمگی سیادی ءُ دمگی دیمروئی آنی ھاسیں رنگ ءَ غزہ ءِ گرانیں جاور ھال آنی سر ءَ گپ ءُ تران بوتگ۔ آہاں نیویارک ءَ عرب ءُ اسلامی ملک آنی نیام ءَ مشاورت ءَ ھوار برجاھیں سفارتی کوشست آنی سر ءَ گپ ءُ تران کت کہ ایشی ءِ مول ءُ مراد زوت ءُ دائمی جنگ بندی ءِ ھاترا ، انسانی کمک ءِ بے رکاوٹ ءَ را دل یکیمی کنگ ءُ غزہ ءَ دائمی امن ءِ ھاترا یکجائی گامگیج زورگ انت۔ نائب مزن وزیر ءَ اے کوشست آنی واستہ پاکستان ءِ کمک ءِ یک رندے پدا گوشت ءُ پاکستان ءِ نیمگ ءَ چہ نوکیں دیمروئی آناں وش آتک کنگ ءِ ذکر کت ایشی ءِ تہ ءَ حماس ءِ پیش کرتگیں امن منصوبگ ءِ پسو ھم ھوار اِنت کہ ایشی ءَ چہ ھون ریچی ءِ ھلاسی ءِ اُمیت گیش بوتگ۔ نائب مزن وزیر ءَ مصر ءِ دری کارانی وزیر ءَ را نزیکیں وھد ءَ پاکستان ءِ تر ءُ تاب ءِ دعوت ھم دات، آئی ءَ اے دعوت من اِت۔ دوئیں نیمگاں اے گپ ءِ سر ءَ تپاک کت کہ آ غزہ ءَ عادلانہ ءُ دائمی امن ءِ رسگ ءَ کمک کنگ ءِ جھد ءَ گوں بندوک ءُ ھوار بہ بنت۔