لاہور ۔4اکتوبر (اے پی پی):مزن وزیر شہباز شریف ءَ ’’حماس‘‘ ءِ بیان ءَ را جنگ بندی ءِ امیت ءِ برمش لیک اِتگ ءُ گوشتگ کہ پاکستان فلسطین ءَ دائمی امن ءِ واستہ دوستیں ءُ براتیں ملک آنی گوما کار کنگ ءَ برجاہ دار ایت۔ شمبے ءِ روچ ءَ ”ایکس“ ءِ سر ءَ وتی کلوہ ءِ تہ ءَ مزن وزیر شہباز شریف ءَ گوشت کہ فلسطین ءِ راج ءِ نسل …
حماس ءِ بیان جنگ بندی ءِ اُمیت ءِ برمش اِنت، پاکستان مدام فلسطینی راج ءِ کمک ءَ کنت، مزن وزیر شہباز شریف
گیشتریں ھال
لاہور ۔4اکتوبر (اے پی پی):مزن وزیر شہباز شریف ءَ ’’حماس‘‘ ءِ بیان ءَ را جنگ بندی ءِ امیت ءِ برمش لیک اِتگ ءُ گوشتگ کہ پاکستان فلسطین ءَ دائمی امن ءِ واستہ دوستیں ءُ براتیں ملک آنی گوما کار کنگ ءَ برجاہ دار ایت۔ شمبے ءِ روچ ءَ ”ایکس“ ءِ سر ءَ وتی کلوہ ءِ تہ ءَ مزن وزیر شہباز شریف ءَ گوشت کہ فلسطین ءِ راج ءِ نسل کشی ءِ بندات ءَ چہ مرچی الحمد اللہ ما جنگ بندی ءِ نزیک ءَ آں۔ آئی ءَ گوشت کہ پاکستان مدام فلسطینی الس ءِ گوما اوشتاتگ ءُ مدام فلسطینی الس ءِ ھمراہداری ءَ کنت ۔ مزن وزیر ءَ قطر، سعودی عرب، متحدہ عرب امارات، ترکی، اردن، مصر ءُ انڈونیشیا ءِ سروکی ءِ منت گپت کہ آہاں فلسطین ءِ جیڈھ ءِ گیواری ءِ واستہ اقوام متحدہ ءِ جنرل اسمبلی ءِ 80می دیوان ءِ ساھت ءَ صدر ٹرمپ ءَ گوں گند ءُ نند کتگ۔ آئی ءَ صدر ٹرمپ ءِ ھم منت گپت۔ مزن وزیر ءَ گوشت کہ حماس ءِ نیمگ ءَ جاڑی بوتگیں بیان جنگ بندی ءِ امیت ءِ کرن ءِ پجاری ءَ اِنت ءُ امن ءِ دل یکیمی کنگ ءِ راہ ءِ پجاری ءَ اِنت ایشی ءَ مارا پدا بند کنگ ءِ موہ ءَ دیگ مہ بیت۔ آئی ءَ گوشت کہ انشاءاللہ پاکستان فلسطین ءَ دائمی امن ءِ واستہ وتی توامیں دوست ءُ براتیں ملک آنی گوما کار کنگ ءَ برجاہ بیت۔
