مزن وزیر ءَ حکومتی گپ ءُ تران کمیٹی ءُ جوائنٹ ایکشن کمیٹی ءِ نیام ءَ تپاکی ءِ وش آتک کتگ، ما گوستگیں وھد ءَ ھم کشمیری برات ءُ گھار آنی ھک آنی رکھینگ ءِ ھاترا بوتگیں ءُ دیم ءَ ھم ھمے رنگ ءَ بئیں، محمد شہباز شریف

لاہور ۔4اکتوبر  (اے پی پی):مزن وزیر محمد شہباز شریف ءَ آزاد جموں ءُ کشمیر ءَ گپ ءُ تران ءِ عمل ءِ سوبمندی ءُ سرکاری گپ ءُ تران کمیٹی ءُ جوائنٹ ایکشن کمیٹی ءِ نیام ءَ بوتگیں تپاک ءِ وش اتک کنان ءَ گوشت کہ امن ءِ برجائی ءُ نارمل جاور ھال آنی تہ ءَ واتر بوھگ وش اتک کنگ بیت۔ سرکار وتی کشمیری براتانی جیڑہانی گیش ءُ گیواری ءَ دائم ءَ ساڑی اِنت ۔ افواہاں گوش مہ دار اِت۔ ما گوست ءَ ھم کشمیری برات ءُ گھار آنی ھک آنی رکھگ ءَ بوتگیں ءُ آیوکیں وھد ءَ ھم ایشانی ھک آنی رکھینگ ءَ کن آں ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گپ ءُ تران کمیٹی ءِ باسک آناں شگر ءُ منت گپت ءُ آوانی انفرادی ءُ اجتماعی کوشست آناں ساڑات۔ مزن وزیر ءَ ایشی ءَ را پاکستان ءُ آزات جموں کشمیر ءِ واستہ مزنیں سوبمندی لیک اِتگ ءُ گوشت کہ امن ءِ برجائی ءُ عادت ءِ تہ ءَ پدا واتر بوھگ وش ءِ کنگ اِنت۔ آئی ءَ گوشت کہ سازش ءُ افواہ آخر کار ھلاس بوتگ انت ءُ درستیں جیڈھ دوستانہ رنگ ءَ گیش ءُ گیوار بوتگ انت، شکر انت کہ خدا۔ آئی ءَ گپ ءُ تران ءِ سوبمندی ءِ سر ءَ یکجائی ایکشن کمیٹی ءِ باسک آنی ھم شگر ءُ منت گپت ءُ امن ءِ برجائی ءِ سر ءَ آھاں مبارک بات دات۔ مزن وزیر ءَ گوشت کہ حکومت مئے کشمیری برات آنی جیڈھ آناں گیواری ءِ واستہ دائم ءَ ساڑی اِنت، السی نپ ءُ ایمنی مئے اولی ترجی اِنت ءُ ما آزات کشمیر ءِ ھزمت ءَ برجاہ دار ایں، کشمیری برات آناں دزبندی اِنت کہ گپ ءُ تران ءِ گوشدارگ ءَ چہ وت ءَ بہ پھریز اِت۔ مزن وزیر ءَ گوشت کہ ما گوست ءَ ھم کشمیری برات آنی ھک آنی رکھینگ ءِ کار بوتگ آں ءُ آیوکیں وھد ءَ ھم ایشانی ھک آنی رکھینگ ءَ کن آں ۔ آزات کشمیر ءِ جیڑہ مدام فوکس بوتگ انت ءُ منی سرکار ءَ مدام اے جیڑہ اولویت ءِ بنیاد ءَ گیش ءُ گیوار کتگ انت۔