نائب مزن وزیر سینیٹر محمد اسحاق ڈار ءَ کابینہ کمیٹی ءِ بین حکومتی کاروباری لین دین ءِ دیوان ءِ سروکی کت، سرکاری ادارگ آنی نجکاری ءِ ھوالگ ءَ جاری گامگیج آنی سر ءَ چار ءُ تپاسی

اسلام آباد۔3اکتوبر  (اے پی پی): نائب مزن وزیر ءُ  دری کارانی وزیر سینیٹر محمد اسحاق ڈار ءَ جمعہ ءِ روچ ءَ کابینہ ءِ کمیٹی ءِ دیوان ءِ سروکی ءَ کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ کمیٹی ءَ سرکاری ادارگ آنی نجکاری ءِ ھوالگ ءَ جاری گامگیج آنی سر ءَ چار ءُ تپاسی کتگ۔ گپ ءُ تران ءِ تہ ءَ کارکردگی ءَ را گیش کنگ ءُ گیش اقتصادی اصلاحات ءِ رد ءَ نجی شعبہ ءِ بھر زوری ءِ کرد ءَ را مھکم کنگ ءِ واستہ  مڈی  آنی آسانی ءَ گوں ٹرانسفر ءَ را دل یکیمی کنگ ءِ واستہ حکومت ءَ چہ حکومت ءِ بندوبست آناں گڈی رنگ دیگ ءِ سر ءَ دلگوشی دیگ بوتگ۔ گند ءُ نند ءِ تہ ءَ وزیر ءِ ھزانگ، نجکاری ءِ ھوالگ ءَ مشیر، مزن وزیر ءِ ھاسیں کمکار ایم طارق باجوہ، ریلوے ءِ وزیر ءِ مملکت، کابینہ، نجکاری ءُ کانود ءِ وفاقی سیکرٹری آں ھوار سیادی داروکیں وزارت ءُ محکمہ آنی مزنیں کارندہ آں بھر زوری کت۔