وفاقی وزیر اطلاعات عطا اللہ تارڑ ءَ پارلیمانی رپورٹرز ایسوسی ایشن ءِ نوکیں گچین بوتگیں اگدہ داراں مبارک بات

اسلام آباد۔3اکتوبر  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ پارلیمانی رپورٹر ایسوسی ایشن ءِ نوکیں گچین بوتگیں اگدہ دار آناں مبارک بات داتگ ءُ گوشت کہ جمہوریت ءِ مھکم کنگ ءُ جمہوری ارزشت آنی دیمروئی ءِ واستہ آزات، برجا ءُ سوگوئیں  میڈیا المی  اِنت۔ جمعہ ءِ روچ ءَ وتی بیان ءِ تہ ءَ وفاقی وزیر ءِ اطلاعات ءَ پارلیمانی رپورٹر ایسوسی ایشن ءِ نوکیں گچین بوتگیں صدر ایم بی سومرو، نائب صدر عثمان خان کاکڑ، سیکرٹر ی نوید اکبر، جوائنٹ سیکرٹر ی اورنگزیب کاکڑ، انفارمیشن سیکرٹر ی جاوید حسین، فنانس سیکریٹری شاکر عباسی  ءُ  گورننگ باڈی  ءِ دگہ باسک آں ھوار انت۔ عطا اللہ تارڑ ءَ گوشت کہ حکومت  لیکہ  ءِ درشان کنگ ءِ بنیاتی، جمہوری ءُ  کانودی  ھک ءِ سر ءَ سرجمی ءَ دل یکیمی  داریت، جمہوریت ءِ مھکم کنگ ءُ جمہوری ارزشت آنی دیمروئی ءِ واستہ آزات، برجائیں  ءُ سوگوئیں  رسانکدر المی  اِنت۔ آئی ءَ گوشت کہ پارلیمانی رپورٹر ایسوسی ایشن ءِ نوک گچین بوتگیں اگدہ دار آنی کامیابی اھوالکاری کمیونٹی ءِ دل یکمی ءِ آدینک انت۔ پارلیمنٹ ءِ کاروائی آناں الس ءِ دیم ءَ آرگ ءِ تہ ءَ پی آر اے ءِ کرد ءِ ساڑات کنان ءَ وفاقی وزیر ءَ اے اُمیت ءِ درشان کت کہ پی آر اے ءِ نوک گچین بوتگیں عہدہ دار صحافت ءِ مزنیں پیشہ وارانہ معیار ءَ را گیش دیم ءَ برگ ءَ انت۔ آئی ءَ گوشت کہ امیت انت کہ پی آر اے ءِ نوک گچین بوتگیں اگدہ دار اھوالکاری چاگرد ءِ ھک آنی رکھینگ ءِ واستہ وتی برجائیں کرد ءَ را برجاہ دار اَنت۔