آئی ٹی ءُ ٹیلی کام ءِ وفاقی وزیر شزہ فاطمہ خواجہ ءَ سعودی ٹیلی کام کمپنی ءِ کارندہ آں گوں گند ءُ نند

ریاض۔3اکتوبر  (اے پی پی): آئی ٹی ءُ ٹیلی کام ءِ وفاقی وزیر شزہ فاطمہ خواجہ ءَ سعودی ٹیلی کام کمپنی ءِ کارندہ آں گوں گند ءُ نند کتگ ءُ پاکستان ءَ فائبر نیٹ ورک، کلاؤڈ، سائبر سیکورٹی ءُ فن ٹیک ءِ ھوالگ ءَ کمک ءِ بابت ءَ گپ ءُ تران کتگ۔ جمعہ ءِ روچ ءَ آئی ٹی ءُ ٹیلی کام ءِ وزارت ءِ نیمگ ءَ جاڑی بوتگیں بیان ءِ رد ءَ گند ءُ نند ءَ کاروباری موہ ءُ سرمایہ کاری ءِ آسراتی آنی سر ءَ دلگوشی دیگ بوتگ۔ گند ءُ نند ءَ پاکستان ءِ کنکٹ پاکستان 2030 پالیشی ءِ درگت ءَ ایس ٹی سی ءِ گوما شریکداری ءِ سر ءَ چار ءُ تپاسی کنگ بوت۔ پاکستان ءَ فائبر نیٹ ورک، کلاؤڈ، سائبر سیکورٹی ءُ فن ٹیک ءِ بابت ءَ کمک ءِ بابت ءَ ھم گپ ءُ تران کنگ بوت۔ پاکستانی آئی ٹی مارکیٹ ءِ 3.8ارب ڈالر ءِ برآمدات ءُ 200ملین موبائل کارمرز کنوک سرمایہ کاری ءِ واستہ دلکش بیان کنگ بوتگ انت۔ اے موہ ءِ سر ءَ فن ٹیک ءُ کم ھرچ ءُ درچ ءَ چہ سرحد ءِ سرا ادائیگی ءِ ھوالگ ءَ گپ ءُ تران کنگ بوت۔ دیوان ءَ کرد ءِ مھکم کنگ ءِ سر ءَ زور دیگ بوت۔ اے موہ ءِ سر ءَ جی سی سی، ایشیا ءُ افریقہ ءَ را یکجا کنگ ءَ پاکستان ءِ اسٹریٹجک ارزشت ءَ را پدر کنگ بوت۔ آبدوز کیبلز ءُ ڈیجیٹل کنکٹیویٹی منصوبگ آنی تہ ءَ شریکداری ءِ موہ آنی سر ءَ ھم ھیال ءُ لیکہ کنگ بوتگ۔ ایس ٹی سی سعودی عرب ءُ جی سی سی ءِ تہ ءَ مزنیں ٹیلی کام آپریٹر اِنت ءُ وژن 2030 ءِ ڈیجیٹل ایجنڈا ءِ تہ ءَ کلیدی کرد پیلو کنگ ءَ اِنت۔