مزن وزیر شہباز شریف ءِ پنت ءُ شون ءِ سرا حکومتی کمیٹی ءُ ایکشن کمیٹی ءِ نیام ءَ آیوکیں دور ءِ گپ ءُ تران جمعہ  ءَ چہ پد بیت

اسلام آباد۔3اکتوبر  (اے پی پی): مزن وزیر شہباز شریف ءِ پنت ءُ شون ءِ پد ءَ حکومتی کمیٹی ءُ ایکشن کمیٹی ءِ نیام ءَ دیم ءِ دور ءِ گپ ءُ تران جمعہ ءَ پد بیت۔ وسیلگ ءِ رد ءَ گپ ءُ تران ءِ آسر ءَ گوستگیں روچ ءَ چہ آزات کشمیر ءَ ھچ وڑیں نا وشیں وئیل نہ بوتگ۔ پاکستان ءِ سرکار ءِ مزن تک ءِ گپ ءُ تران کمیٹی مظفر آباد ءَ ساڑی انت ۔ وسیلگ ءِ ردا اے گپ ءُ تران چہ نماز جمعہ ءَ پد بنگیج بیت۔ پیسریگیں مزن وزیر راجہ پرویز اشرف، پیسریگیں صدر آزاد کشمیر سردار مسعود خان،سینیٹر رانا ثناء اللہ، وفاقی وزیر منصوبہ بندی احسن اقبال،وفاقی وزیر مذہبی امور سردار یوسف،پاکستان پیپلز پارٹی    ءِ سروک   چوہدری قمر زمان کائرہ، انجینئر امیر مقام  ءُ  طارق فضل چوہدری  سول ءُ ترانی ٹیمب ءِ بھر  اَنت۔ اے گپ ءُ تران ءِ عمل ءَ آزات کشمیر سرکار ءِ نمائندگ ھم بہر زور اَنت ۔ گوستگیں روچ ءَ مرکزی کمیٹی ءِ گوما بنداتی گپ ءُ تران ءَ پد پیپلز ایکشن کمیٹی ءِ سروکاں دھیر کوٹ ءَ دراجیں مشورہ کتگ ۔ وفاقی وزیراں گوستگیں شپ ءَ مذاکرات ءِ تہا سوبمندی ءِ امکان ءِ درشانی کتگ۔