حکومت بلوچستان نااوتھل زیروپوائنٹ نا خڑک مسافر کوچ شکست اٹی نہادی انسانی جون تا زیان آ ڈکھیائی و است ہسونی نا درشان

کوئٹہ۔ 02 اکتوبر (اے پی پی) حکومت بلوچستان اوتھل زیروپوائنٹ نا خڑک مسافر کوچ شکست اٹی نہادی انسانی جون تا زیان آ ڈکھیائی و است ہسونی نا درشانی ءِ کرینے۔ حکومت بلوچستان نا کنڈآن جاری بیان اٹی پاننگانے کہ دا سانحہ غا صوبائی حکومت زہمی خاہوت آتا غم اٹی بریبرنا شریک ءِ واقعہ نا دمدستی پد ریسکیو ٹیمک واقعہ نا جاگہ اوتھل زیروپوائنٹ آ روانہ مسر و کمکی کارروائی تا بناءِ کریر۔ MERCوندر، MERC تیار و ایدھی نا ٹیمک ٹھپی مروک آتے وخت آ خڑک انا ہسپتال آتیا گدریفسا دمدستی طبی امداد فراوان کریر ۔ حکومت بلوچستان پیدوار کرینے کہ ٹھپی مروک آتے ہرممکن درمان نا گچین آسراتی فراوان کننگ انگ ءِ وخت اس کہ ضلعی انتظامیہ ءِ زہمی خاہوت آتا دمدستی امداد و پورو کمکاری ءِ پک کننگ نا پارت جاری کننگانے وخت اس کہ شکست نا سوب آتے ہُننگ کن انکوائری نا بناءِ کننگانے تانکہ آخبت اٹ داوڑنا واقعہ غاتا توننگ کن گچین گا م گیج کننگ مرے، حکومت بلوچستان الس آن خواست کرینے کہ سڑک آتیا ٹریفک کانود نا پابندی ءِ کیر تانکہ انسانی جون تا رکھ ءِ پک کننگ مرے۔