وزیر خزانہ سینیٹر محمد اورنگزیب ءَ بلومبرگ نیوز ءَ گوں تران کنان ءَ گوشت کہ پاکستان ءُ امریکہ توانائی، اشکر ءِ چات ءَ کا کنگ ءُ ٹیکنالوجی ءِ شوبگ ءَ کمک ءَ را گیش کنگ ءَ اَنت، امریکی سرمایہ کار آناں را وتی نیمگ ءَ رازیگ کنگ ءِ واستہ اے ماہ ءِ گڈ ءَ واشنگٹن ءَ سرمایہ کاری کانفرنس ءِ برجم دارگ بیت

اسلام آباد۔1اکتوبر  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ پاکستان ءُ امریکہ ءِ نیام ءَ توانائی، اشکر ءِ چات ءَ کا کنگ ءُ ٹیکنالوجی ءِ شوبگ ءَ کمک ءَ را گیش گہتر کنگ بوھگ ءَ انت ءُ اے ماہ ءِ گڈ ءَ واشنگٹن ءَ سرمایہ کاری کانفرنس ءِ برجم دارگ بوھگ ءَ انت ایشی ءِ واستہ امریکی سرمایہ کار آناں را وتی نیمگ ءَ رازیگ کنگ بوھگ ءَ انت۔ اے گپ آئی ءَ بلومبرگ نیوز ءَ گوں تران کنان ءَ گوشت اَنت۔ وزیر خزانہ ءَ گوشت کہ ما سک باز ھاسیں رنگ ءَ زانیں کہ کجام شوبگ آنی تہ ءَ مارا امریکی سرمایہ کاری ءِ ضلورت اِنت ءُ کجام شوبگ آنی تہ ءَ سرمایہ کاری ءِ حقیقی گنجائش است ءُ ما نوں امریکہ ءِ گوما یکجاھی ءَ اے عمل ءَ را باقاعدہ بندات کتگ۔ وزیر ءِ ھزانگ ءَ گوشت کہ اے پیشرفت امریکا ءِ گوما نوکیں بیپاری معاہدے ءَ چہ پد اتکگ ایشی ءِ چیر دستی ءَ پاکستان ءِ سر ءَ ایوک ءَ 19درسد ٹیرف ایر کنگ بوتگ کہ اے دمگ ءِ ایندگہ ملک آنی مقابلہ ءَ کم انت ءُ بھارت ءِ سر ءَ امریکی ٹیرف ءَ چہ باز کم انت۔ اے ٹیرف ءِ شرح ءَ پاکستان ءِ برآمداتی مقابلہ ءَ را گیش کتگ ءُ ملک ءَ را بحران ءَ چہ درآہگ ءَ کمک کتگ۔ وزیر ءِ ھزانگ ءَ گوشت کہ اولی کار تجارتی توازن ءَ را گہتر کنگ بوتگ، نوں ایشی کنگ بوتگ۔ منی ھیال ءَ پاکستان ءِ ھر صنعت ءِ تہ ءَ برآمداتی جزو ھست بہ بیت پرچا کہ ایشی ءِ وسیلگ ءَ ما بوم ءُ بسٹ سائیکل ءَ چہ درکپگ ءِ یکیں راہ اِنت۔ آئی ءَ گوشت کہ انٹرنیشنل مانیٹری فنڈ (آئی ایم ایف) ءِ چار ءُ تپاسی ءَ پاکستان ءِ دیمروئی گیشتر ٹارگٹ آنی رد ءَ انت۔ پاکستان ءَ سئے شمبے ءِ روچ ءَ 500 ملین ڈالر ءِ یوروبانڈ ءِ واجبیں زرّ ھم داتگ اَنت۔