ادارُکی صدر سید  یوسف رضا گیلانی ءَ شام ءِ نمائندہ ءَ گوں گند ءُ نند ءَ گوشت کہ پاکستان شام ءِ گوما وتی راجدپتری ءُ براتی سیادی ءَ را ارزشت دنت

اسلام آباد۔1اکتوبر  (اے پی پی): ادارُکی صدر سید یوسف رضا گیلانی ءَ گوشت کہ پاکستان شام ءِ گوما وتی راجدپتری ءُ براتی سیادی ءَ را ارزشت دنت کہ ایشی ءِ بُن ھشت یکجائی مذھبی ارزشت، راجدپتر ءُ وت مہ وتی ءِ احترام ءَ انت۔ دوئیں ملک آزمائش ءِ وھد ءَ مدام یکے دومی ءِ گوما اوشتاتگ اَنت۔ اے ھیالانی درشانی آئی ءَ شام ءِ ھاسیں نمائندہ ڈاکٹر رامز الرے ءَ گوں گپ ءُ تران کنان ءَ کت آئی ءَ چار شمبے ءِ روچ ءَ ایوان ءِ صدر ءَ آئی ءَ گوں گند ءُ نند کت۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے گند ءُ نند ءَ چہ دوئیں ملک آنی وتی دیریں سیادی ءَ را گیش گہتر کنگ ءُ دمگی امن، برجائی ءُ وشھالی ءِ واستہ یکجائی کوشست آناں برجاہ دارگ ءِ جزم ءِ پدا پدر کنگ بیت۔ سد یوسف رضا گیلانی ءَ گوشت کہ پاکستان ءُ شام آزمائش ءِ وھد ءَ یک ءِ دومی ءِ گوما یک ءِ دومیگ ءِ گوما اوشتاتگ اَنت۔ آئی ءَ گوشت کہ پاکستان ءَ شام ءِ گوما وتی اصولی ءُ مھکمیں دوستی ءَ را ھیال ءَ دارگ ءَ شام ءِ تہی جنگ ءِ وھد ءَ ھم دمشق ءَ وتی سفارتی مشن برجاہ داشتگ ءُ پاکستان شام ءِ نوک جوڑیشت ءَ کمک ءِ ودار ءَ انت۔ ادارُکی صدر ءَ گوشت کہ دمشق ءُ ملتان ءِ کوھنیں تہذیب آنی نیام ءَ یکوئی است انت۔ دوئیں شہر آنی نیام ءَ گہتریں ءُ کوھنیں سیادی آناں پدر کنان ءَ آئی ءَ گوشت کہ دوئیں دود ءُ ربیدگی گہتری ءُ تابکاری ءِ علامت اَنت۔ آئی ءَ گوشت کہ پاکستان ءَ میاں اوستمانی دیوان آنی تہ ءَ شام ءِ مدام کمک کتگ، ایشی ءِ تہ ءَ شام ءِ اسلامی کمک ءِ گل ءِ تہ ءَ باسک بوھگ ءِ تہ ءَ سرگرمیں کرد پیلو کنگ ھم ھوار اِنت۔ آئی ءَ گوشت کہ پاکستان ءِ تہ ءَ ھنرمندیں مردم آنی مزنیں کساس است اِنت کہ آ شام ءِ نوک جوڑیشت ءَ ھاسیں رنگ ءَ طب، وانگ ءُ زانگ، انفارمیشن ٹیکنالوجی ءُ بینکنگ ءِ شوبگ آنی تہ ءَ کرد پیلو کت کن اَنت۔ آئی ءَ گوشت کہ پاکستان ءِ تربیتی پروگرام آناں شامی سفارتکار، استاد ءُ طبی ماہرین آنی نیمگ ءَ چہ جوانیں رنگ ءَ وش اتک کنگ بیت۔ صفری ءَ گوں گند ءُ نند ءِ ساھت ءَ ادارُکی صدر ءَ شام ءِ پارلیمنٹ ءِ اسپیکر ءَ را آیوکیں ماہ ءَ بنو ءَ برجم دارگ بوھوکیں بین پارلیمانی اسپیکر کانفرنس ءَ بھر زوری ءِ دعوت ھم داتگ۔ سفیر ڈاکٹر رامز الریعی  ءَ پاکستان ءِ بے دروریں کمک ءِ سرا شگر ءُ منت گپت ءُ گوشت کہ شام پاکستان ءِ گوما وتی سفارتی سیادی ءَ را سک باز ارزشت دنت۔ صفری ءَ گوشت کہ شام پاکستان ءِ گوما دفاع، ریلوے، معیشت، آئی ٹی ءُ وانگ ءُ زانگ ءِ وڑیں جتا جتائیں پڑ آنی تہ ءَ کمک ءِ ودار ءَ انت۔ آئی ءَ مردمانی نیام ءَ رابطہ ءِ دیمروئی ءِ سر ءَ ھم زور پر دات۔