راجی چیلنج آنی گیواری ءُ چاگردی ءُ اقتصادی استحکام ءِ ھاترا یکوئی، درک ءُ یکجائی کوشست آنی ضلورت انت، ادارُکی صدر سید یوسف رضا گیلانی

اسلام آباد۔1اکتوبر  (اے پی پی): ادارُکی صدر سید یوسف رضا گیلانی ءَ راجی چیلنج آنی گیواری ءُ چاگردی ءُ اقتصادی برجائی ءِ ھاترا یکجائی، مفاہمت ءُ یکجائی کوشست ءِ ضلورت ءِ سر ءَ زور پر دات ءُ گوشت کہ پاکستان ءِ دیمروئی ءِ واستہ جمہوری ادارگ آنی مھکم کنگ ءُ سرجمیں دیمروئی المی اِنت۔ چار شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی آئیءَ کت اَنت۔ سینیٹر گردیپ سنگھ، سینیٹر اسد قاسم، سینیٹر سردار محمد عمر گورگیج، سینیٹر فلک ناز چترالی  ءُ  پیسریگیں  ایم این اے مائزہ حمید  ءَ گوں تران کنان ءَ کت۔ آواں ایوان ءِ صدر ءَ گوں ایشاں گند ءُ نند کت۔ ادارُکی صدر ءَ گوشت کہ جمہوری ادارگ آناں مھکم کنگ ءُ سرجمیں دیمروئی ءَ را دیم ءَ برگ پاکستان ءِ دیمروئی ءِ کلید اَنت۔ سد یوسف رضا گیلانی ءَ ملک ءِ جتا جتائیں دمگ آنی تہ ءَ برجاھیں سیلاب ءِ جاور ھال آنی سر ءَ دلگوشی ءِ درشانی کت ءُ آماچیں مردم آناں وھد ءِ سر ءَ کمک ءُ بحالی ءِ واستہ وفاقی ءُ صوبائی حکومت آنی نیمگ ءَ یکجائی گامگیج آنی سر ءَ زور پر دات۔