اسلام آباد۔ 01 اکتوبر (اے پی پی) وزیر مملکت خزانہ و ریلویز بلال اظہر کیانی ابوظہبی ٹی متحدہ عرب امارات نا صدر محمد بن زاید النہیان تون صدارتی ماڑی قصر البحر اٹی اوڑدہی کرے ہراٹی پاکستان و یواے ای نا نیام اٹ برادرانہ تعلقداری ءِ پین سوگو کننگ نا عزم انا درشانی ءِ کننگا۔ چارشنبے نادے آ داڑے جاری اعلامیہ نا رداٹ اوڑدہی ٹی وزیر مملکت وزیراعظم محمد شہباز شریف …
وزیر مملکت خزانہ و ریلویز بلال اظہر کیانی نا یواے ای نا صدر محمد بن زاید النہیان تون اوڑدہی
گیشتریں ھال
اسلام آباد۔ 01 اکتوبر (اے پی پی) وزیر مملکت خزانہ و ریلویز بلال اظہر کیانی ابوظہبی ٹی متحدہ عرب امارات نا صدر محمد بن زاید النہیان تون صدارتی ماڑی قصر البحر اٹی اوڑدہی کرے ہراٹی پاکستان و یواے ای نا نیام اٹ برادرانہ تعلقداری ءِ پین سوگو کننگ نا عزم انا درشانی ءِ کننگا۔ چارشنبے نادے آ داڑے جاری اعلامیہ نا رداٹ اوڑدہی ٹی وزیر مملکت وزیراعظم محمد شہباز شریف نا کنڈآن یواے ای نا سرکڑدہ و الس کن نیک است خواہی و خیرخواہی نا کلہو ءِ سرکرے و صدر محمد بن زاید النہیان ءِ پاکستان نا دورہ نا باضابطہ سلہ ہم خلک۔ یواے ای نا صدر ورندی خیرخواہی نا جوزہ غاتا درشانی ءِ کرسا وزیراعظم و پاکستانی الس کن نیک است خواہی نا کلہو تس۔ اوڑدہی ٹی ہڑتوم آ کنڈآتا تعلقداری تے پین ودفنگ، تین پہ تینی کمکاری نا مون آ دننگ و ڈیہہ اٹی شونداری و سوگوی نا اسیجاعزم آ زور شاغنگا۔ وزیر مملکت بلال اظہرکیانی وزیراعظم نا پارت آ ابوظہبی ٹی برجا جہانی ریل ٹرانسپورٹ انفراسٹرکچر نمائش و کانفرنس اٹی ہم شریک ءِ ہرا ابوظہبی نیشل ایگزیبیشن سینٹر اٹی اتحاد ریل انا کنڈآن اڈ تننگ انگ ءِ۔
