صدر ءِ مملکت آصف علی زرداری ءَ کوئٹہ ءَ فتنہ الخوارج ءِ وت کُش اُرش ءِ ایراد گپت، سیکورٹی فورسز ءَ را وھد ءِ سر ءَ جوانیں گامگیج ءِ توسیپ کت

اسلام آباد۔30ستمبر  (اے پی پی): صدر آصف علی زرداری ءَ کوئٹہ ءَ فتنہ الخوارج ءِ وت کُش اُرش ءِ مذمت کتگ ءُ گوشت کہ فتنہ الخوارج ءُ بھارت ءِ ایجنڈا ءِ سر ءَ کار کنوکیں عناصر پاکستان ءِ امن ءُ ایمنی ءَ را تاوان دات نہ کن اَنت۔ سئے شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءَ سیکورٹی فورسز ءِ وھد ءُ پاس ءِ سر ءَ جوانیں کارروائی ءِ توسیپ کتگ ءُ ٹپیگیں ایف سی جوان آنی ترندیں جان سلامتی ءِ دعا کتگ۔ آئی ءَ گوشت کہ بھارت دوستیں عناصر آنی بدیں ارادہ دیم ءَ ھم ناکام کنگ بنت، پاکستان ءِ ھلاپیں اُرد آنی مایوسی ایشانی ناکامی ءُ بدیں ھال ءِ نشانی اِنت۔ صدر ءِ مملکت ءَ گوشت کہ پاکستان ءِ ھلاپیں ریاست ءُ آھانی پراکسی آنی ھلاپ ءَ گلوبل ءُ دمگی منظر نامہ بدل بوھگ ءَ انت، پمیشکا آ نا اُمیت ءُ دلپروشی ءِ آماچ انت۔ آصف علی زرداری ءَ وتی اے جزم ءِ درشانی کت کہ پاکستان ، آئی ءِ راج ءُ آئی ءِ سیکورٹی فورسز ان شاءاللہ غالب بنت۔