نائب مزن وزیر ءُ درئی کارانی وزیر سینیٹر  محمد اسحاق ڈار ءَ تجارت ءُ اقتصادی سفارتکاری ءَ را دیم ءَ برگ ءِ حکمت عملی ءِ سر ءَ چار ءُ تپاسی ءِ ھاتر ءَ ھاسیں دیوان ءِ سروکی

اسلام آباد۔30ستمبر  (اے پی پی): نائب مزن وزیر ءُ درئی کارانی وزیر سینیڑ  محمد اسحاق ڈار ءِ سروکی ءَ یک ھاسیں دیوان ءِ برجم دارگ بوت کہ ایشی ءِ تہ ءَ تجارتی ءُ اقتصادی سفارتکاری ءَ را دیم ءَ برگ ءِ واستہ پاکستان ءِ حکمت عملی ءِ سر ءَ چار ءُ تپاسی کنگ بوت۔ گند ءُ نند ءَ یورپی یونین ءِ گوما اقتصادی ءُ تجارتی کمک ءَ را گیش مھکم کنگ ءِ موہ آنی سر ءَ چار ءُ بچار کنگ بیت۔ سئے شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ یورپی یونین پاکستان ءِ مستریں تجارتی شریک آنی تہ ءَ یک اِنت۔ گند ءُ نند ءَ وفاقی وزیر تجارت، وفاقی وزیر کانود ءُ انصاف، مزن وزیر ءِ ھاسیں کمکار طارق باجوہ، درئی کارانی وزیر، تجارت، کانود، چاگرد، انسانی وسائل ءُ دیمروئی ءِ سیکرٹری، انسانی حق، زانتکاری ءِ وفاقی حکام ءُ وفاقی حکومت ءِ سینئر سفیر ءُ پاکستان ءِ سینئر سفیر ءَ بہر زرتگ۔