اے پی پی میگا کرپشن کیس ءَ دزگیریں ملزم ءِ ضمانت ءِ درخواست ءِ گوشدارگ داں چار شمبے ءَ مہتل دارگ بوت

اسلام آباد۔30ستمبر  (اے پی پی): ھاسیں جج سینٹرل اسلام آباد ہمایون دلاور ءَ اے پی پی ءِ میگا کرپشن کیس ءَ دزگیر بوتگیں پنچ نامداریں ملزم آنی دزگیر کنگ ءَ پد ضمانت ءِ درخواست ءِ گوشدارگ باندا (چار شمبے) ءَ تاں مہتل کتگ۔ سئے شمبے ءِ روچ ءَ کیس ءِ گوشدارگ ءِ بندات ءَ آمید گس ءَ را ھال داتگ کہ ملزم آنی ضمانت ءِ درخواست آنی سر ءَ نوٹس جاری کنگ نہ بوتگ۔ اے پی پی ءِ لیگل ایڈوائزر خرم بیگ  آمید گس ءَ پیش بوتگ ءُ اے موقف زرتگ کہ آئی ءَ را اے کیس ءِ بابت ءَ وھد ءِ سر ءَ سرپدی نہ داتگ کہ ایشی ءِ سبب ءَ آ تیاری نہ کتگ۔ کیس ءِ گوشدارگ ءِ وھد ءَ زانتکاریں قاضی ءَ آمید گس ءِ کارندہ جست کتگ کہ اے پی پی ءَ نوٹس شنگ کنگ بوتگ یا نہ بوتگ۔ آمید گس ءِ کارندہ ءَ آمید گس ءَ گْوشتگ کہ اے ھال گوستگیں شپ ءَ ٹیلی فون ءِ وسیلگ ءَ دیگ بوتگ۔ اے پسو ءِ سر ءَ زانتکاریں قاضی ہمایون دلاور ءَ وتی زھر ءِ درشانی کتگ ءُ آمید گس ءِ سیادی داروکیں کارندہ ءَ را شو کاز نوٹس شنگ کتگ۔ ایشی ءَ پد آمید گس ءَ کیس ءِ گوشدارگ تاں چار شمبے ءَ مہتل کتگ۔ زانگ بہ بیت کہ اے پی پی ءِ میگا کرپشن کیس ءَ دزگیر بوتگیں ملزم محمد غواث  خان، ادریس احمد، ساجد علی ورائیچ، خرم شہزاد ءُ عمران منیر ءَ وتی دزگیر کنگ ءَ پد ضمانت ءِ درخواست داتگ۔