اسلام آباد۔30ستمبر (اے پی پی): ادارُکی صدر سید یوسف رضا گیلانی ءَ سئے شمبے ءِ روچ ءَ ایوان ءِ صدر ءَ گلگت بلتستان ءِ گورنر سید مہدی شاہ ءَ گوں گند ءُ نند کت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ سیاسی جاور ، امن ءُ ایمنی ءِ جاور ءُ پارٹی ءِ معاملہ آنی سر ءَ گپ …
ادارُکی صدر سید یوسف رضا گیلانی ءَ گلگت بلتستان ءِ گورنر سید مہدی شاہ ءَ گوں گند ءُ نند کتگ، سیاسی جاور، پارٹی ءِ معاملہانی سرا گپ ءُ تران کتگ
گیشتریں ھال
اسلام آباد۔30ستمبر (اے پی پی): ادارُکی صدر سید یوسف رضا گیلانی ءَ سئے شمبے ءِ روچ ءَ ایوان ءِ صدر ءَ گلگت بلتستان ءِ گورنر سید مہدی شاہ ءَ گوں گند ءُ نند کت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ سیاسی جاور ، امن ءُ ایمنی ءِ جاور ءُ پارٹی ءِ معاملہ آنی سر ءَ گپ ءُ تران کنگ بوتگ ۔ ادارُکی صدر ءُ گورنر ءَ گلگت بلتستان ءَ گوستگیں سیلاب ءُ ھئور ءَ پد دمگ ءَ مزنیں تاوان ءِ سبب جوڑ بوتگیں جاری ریلیف ءُ نوک جوڑیشت ءِ کار آنی سر ءَ ھم چار ءُ تپاسی کتگ۔ سید یوسف رضا گیلانی ءَ الس ءَ را بوتگیں تاوان ءِ سر ءَ دل یکیمی ءِ درشانی کت ءُ وفاقی ءُ گلگت بلتستان حکومتی ادارگ آنی نیمگ ءَ چہ زیان بوتگیں ھاندان آنی زوتیں وھد ءَ بحالی ءِ ھاترا یکجاھیں کوشست آنی ضلورت ءِ سر ءَ زور پر دات۔ گورنر سید مہدی شاہ ءَ ادارُکی صدر ءَ را آوار جتگیں مردم آناں ریلیف پجارینگ ءُ المی ئیں آسراتی آنی بحالی ءِ واستہ گلگت بلتستان انتظامیہ ءِ نیمگ ءَ کنگ بوھوکیں گامگیج آنی بابت ءَ سرپد کت۔ آئی ءَ ادارُکی صدر ءِ منت گپت کہ آئی ءَ گلگت بلتستان ءِ الس ءِ ھاتر ءَ دلجمی ءُ کمک کتگ۔
