پاک بحریہ ءَ بن قاسم ءِ شہر  گھارو   ءَ  مینگرو نہال کشگ  ءِ  کمپین 2025 ءِ بندات کتگ

اسلام آباد۔29ستمبر  (اے پی پی): پاک بحریہ ءَ بن قاسم ءِ شہر  گھارو   ءَ  مینگرو نہال کشگ  ءِ  کمپین 2025 ءِ سرکاری رنگ ءَ بندات کتگ۔ کمانڈر کوسٹ ءَ مراگش ءِ مستریں مہمان ءِ بستار ءَ بہر زرتگ ات۔ مہمان ءِ مستریں نیمگ ءَ یک پودے ءِ کشت ءُ کشار ءَ گوں مہم ءِ بندات کت۔ اے کمپین محکمہ سندھ ءُ بلوچستان ءِ جنگلات ءُ انٹرنیشنل یونین فار کنزرویشن آف نیچر ءِ کمک ءَ بندات کنگ بوتگ۔ مراگش ءَ گوں تران کنان ءَ ھاسیں مہمان ءَ گوشت کہ موسمیاتی بدلی، زندمان ءِ تنوع ءِ رکھینگ ءُ کوسٹل آبادی ءِ رکھینگ ءِ تہ ءَ مینگرو کلیدی کرد پیلو کنت۔ اے مہم چاگردی سرپدی ءِ دیمروئی ءِ ھاترا یک ھاسیں گامگیج اِنت۔ آئی ءَ گوشت کہ محکمہ سندھ ءُ بلوچستان جنگلات ءُ آئی یو سی این ءِ پاک بحریہ ءِ گوما کمک ستا کرز انت۔ مینگرو ءِ کشت ءُ کشار ءِ مہم پاک بحریہ ءِ چاگردی رکھینگ ءِ پروگرام ءِ یک ھاسیں بہرے انت۔ انوگ ءَ تاں شاہ بندر ءَ بگر داں جیوانی ءَ 8.7ملین مینگرو ءِ درچک ءِ کشگ بوتگ۔ اے کشت ءُ کشار ءِ کمپینانی وسیلگ ءَ دمگی آبادی ءِ ھاتر ءَ نیوی ءِ ھاتر ءَ روزگار ءِ موہ آنی تہ ءَ ھم مزنیں گیشی یے بوتگ۔ دریائی زندمان ءِ رکھینگ ءُ پائیدار دیمروئی پاک بحریہ ءِ چاگردی گامگیج آنی یک بنیاتی بہر انت۔ مینگرو ءِ کشت ءُ کشار ءِ  گامگیج  اے رد ءَ پاک بحریہ ءِ بے دروریں جزم ءِ درشان اِنت۔