درملکی سرمایہ کار ھاسیں رنگ ءَ جرمن کمپنی آناں پاکستان ءَ وتی کاروبار ءِ تہ ءَ گیشی ءِ واستہ ھرچ وڑیں کمک دیگ بیت،  وزیر ھزانگ محمد اورنگزیب ءِ جرمنی سفیر ءُ یونیسیف ءِ نماھندگ ءَ گوں گند ءُ نند ءَ تران

درملکی سرمایہ کار ھاسیں رنگ ءَ جرمن کمپنی آناں پاکستان ءَ وتی کاروبار ءِ تہ ءَ گیشی ءِ واستہ ھرچ وڑیں کمک دیگ بیت،  وزیر ھزانگ محمد اورنگزیب ءِ جرمنی سفیر ءُ یونیسیف ءِ نماھندگ ءَ گوں گند ءُ نند ءَ تران

اسلام آباد۔29ستمبر  (اے پی پی): وفاقی وزیر خزانہ ءُ آمدنی سینیٹر  محمد اورنگزیب ءَ گوشت کہ حکومت کاروباری ءُ سرمایہ کاری دوستیں چاگرد ءِ جوڑ کنگ ءِ واستہ جزم انت۔ مزن وزیر جندی شوبگ ءِ وسیلگ ءَ ملک ءِ دیمروئی ءِ تہ سروکیں کرد ءَ پیلو کنگ ءِ واستہ جزمیگ انت۔ پاکستان ءَ وتی کاروبار ءَ را گیش کنگ ءِ واستہ درملکی سرمایہ کار ھاسیں رنگ ءَ جرمن کمپنی آناں ھرچ وڑیں کمک دیگ بیت۔ آئی ءَ اے گپ پاکستان ءَ جرمنی ءِ سفیر اینا لیپل  ءِ گوما ادا گند ءُ نند ءَ کت۔ وزیر خزانہ ءَ جرمن تر ءُ تاب ءِ سوبمندی ءُ آہانی وشحالی ءِ واستہ وتی واھشت آنی درشان کنان ءَ دو نیمگی کمک ءَ را گیش وسعت دیگ ءِ واستہ وتی عزم ءِ سر ءَ پدا زور پر دات۔ آئی ءَ جرمنی ءِ ٹیکنیکل ءُ مالی کمک ءِ سر ءَ شگر ءُ منت گپت ءُ پاکستانی معیشت ءِ جتا جتائیں شوبگ آنی تہ ءَ جرمنی کمپنی آنی سرمایہ کاری ءِ ارزشت ءِ سر ءَ زور پر دات۔ وزیر ءِ ھزانگ ءَ جرمن ڈل ءَ را پاکستان ءِ معیشت ءِ سرجمیں جاور ھال ءُ کلیدی اقتصادی اشارہ آنی تہ ءَ گہتری ءِ بابت ءَ سرپد کت۔ آئی ءَ آئی ایم ایف ءِ جاری جائزہ مشن ءُ پروگرام ءِ چیر دستی ءَ مقداری ءُ ڈھانچہ ءِ ٹارگٹ آنی سرجمی ءِ تہ ءَ پیشرفت ءِ بابت ءَ ھم سرپدی دات۔ آئی ءَ گوستگیں سیلاب ءُ موسمی بدلی ءِ سبب ءَ ملک ءَ را دیم ءَ آؤکیں چیلنج آنی سر ءَ ھم چمشانک دات ءُ اے گپ ءِ پدر کنگ ءَ گوشت کہ حکومت کاروباری ءُ سرمایہ کاری دوستیں چاگرد ءِ جوڑ کنگ ءِ واستہ جزم اِنت۔ آئی ءَ گوشت کہ مزن وزیر اے گپ ءِ سر ءَ دل یکیمی کنگ ءَ اِنت کہ ملکی دیمروئی ءِ تہ ءَ جندی شوبگ ءِ مستریں کرد پیلو بہ بیت۔ وزیر ءِ ھزانگ ءَ درملکی سرمایہ کار ھاسیں رنگ ءَ جرمن کمپنی آناں پاکستان ءَ وتی کاروبار ءِ دیمروئی ءِ واستہ ھمک رنگیں کمک ءِ دل یکیمی دات ایشی ءِ تہ ءَ منافع ءُ منافع ءِ ٹرانسفر ءِ آسراتی ءُ ایشی ءَ گوں سیادی داروکیں جیڈھ آناں گیواری ھوار اِنت۔ جرمن سفیر ءَ 2013 ءَ چہ 2015 ءَ پاکستان ءَ وتی پیسریگیں سفارتی ذمہ واری آنی یات ءَ گوں وشیں یات آنی تہ ءَ ھم یات کت۔ آئی ءَ پاکستان ءُ جرمنی ءِ نیام ءَ بیپار ءُ سرمایہ کاری ءَ را دیمروئی دیگ ءِ موہ آنی سر ءَ ھیال ءُ لیکہ آنی درشان کت ءُ پائیدار اقتصادی دیمروئی ءِ واستہ نجی شعبہ ءِ ھوار بوھگ ءُ درملکی سرمایہ کاری ءَ را دیمروئی دیگ ءِ واستہ حکومت ءِ کوشست آناں حمایت ءِ درشان کت۔ فرینر ءَ پاکستان ءُ جرمنی ءِ نیام ءَ اقتصادی کمک ءَ را گیش مھکم کنگ ءُ تجارتی، سرمایہ کاری ءُ دیمروئی شریکداری ءِ واستہ نوکیں موہ آناں پٹ ءُ پول کنگ ءِ عزم ءِ سر ءَ پدا زور پر دات۔ دومی نیمگ ءَ پاکستان ءَ یونیسیف ءِ نمائندہ پرنیل آئرن سائیڈ ءَ وزیر ءِ ھزانگ ءَ گوں گند ءُ نند کت۔ وزیر خزانہ ءَ یونیسیف ءِ تکنیکی کمک ءُ پاکستان ءَ علم ءِ دیم دیئگ ءَ را ساڑات۔ آئی ءَ ملک ءِ دیم ءَ اوشتاتگیں مزنیں چیلنج آنی بابت ءَ گپ جت کہ ایشی ءِ تہ ءَ موسمی بدلی ءُ آبادی ءِ تہ ءَ گیشی ھوار اِنت کہ ایشی ءِ تہ ءَ سٹنٹنگ ءُ کم دیمروئی ءِ سر ءَ مستقیمیں اثر کپ ایت۔ آئی ءَ گوشت کہ ورلڈ بینک ءِ گوما نوکیں دستخط بوتگیں ملکی شریکداری فریم ورک ءِ چیر دستی ءَ آیوکیں دہسال آنی تہ ءَ سالانہ ءِ نزیک ءَ دو ارب ڈالر ءِ متوقع کمک ءِ دو تہائی آبادی ءَ گوں ھوالگ ءَ جیڈھ آنی سر ءَ ھرچ کنگ بیت۔ وزیر ءِ ھزانگ ءَ گوشت کہ اے پیچیدہ جیڈھ آناں جوانیں رنگ ءَ گیواری ءِ واستہ دستیابیں وسیلگ آناں جوانیں رنگ ءَ کارمرد کنگ المی اِنت۔ آئی ءَ گوشت کہ یونیسیف ءُ ایندگر دیمروئی شریک پاکستان ءِ کوشست آنی تہ ءَ ھاسیں رنگ ءَ وزارت موسمی مٹ ءُ بدلی، وزارت آبادی ءُ وشھالی ءُ وزارت جان سلامتی ءِ گوما نزیکیں کمک ءِ وسیلگ ءَ ھاسیں کرد پیلو کت کن اَنت۔ آئی ءَ گیش گوشت کہ اولویت ءِ شوبگ ءُ منصوبگ آنی پجارینگ، تکنیکی کمک ءُ صلاحیت سازی ءِ واستہ جوانیں ھمگرنچی المی اِنت، وھدیکہ اے منصوبگ آنی عملی رنگ ءَ سرجمی ءِ واستہ وفاقی حکومت ءُ صوبگ آنی نیام ءَ نزیکیں کمک ھم المی اِنت۔ پاکستان ءِ گوما کمک ءِ عزم ءِ پدا پدر کنان ءَ یونیسیف ءِ نمائندگ ءَ گوشت کہ یونیسیف سیادی داروکیں وزارت ءُ شریک آنی گوما نزیکی ءَ کار کنگ ءَ برجاہ اِنت، ایشی ءِ تہ ءَ زھگ آنی چار ءُ بچار ءُ وانگ ءُ زانگ ءِ سر ءَ ھاسیں دلگوشی دیگ بوھگ ءَ اِنت۔ آئی ءَ گوشت کہ یونیسیف حکومتی اولویت آنی رد ءَ اسٹریٹجک پارٹنر شپ ءِ وسیلگ ءَ تکنیکی کمک دیگ ءَ اِنت ءُ وانگ ءُ زانگ، جان سلامتی ءُ موسمیاتی لچک ءِ پڑ آنی تہ ءَ کثیر جہتی رپک ءِ سرا عمل کنگ ءَ اِنت۔ فورم ءَ زھگ ءُ چاگرد آنی دیم ءَ اوشتاتگیں چیلنج آنی گیواری ءُ پائیدار دیمروئی ءِ واستہ کمک ءَ را گیش مھکم کنگ ءِ واستہ وتی جزم ءِ پدا زور دات۔