صدر ءِ مملکت آصف علی زرداری ءَ پاکستانی باکسر سمیر خان ءَ را راجدپتری سوبمندی ءِ مبارک بات داتگ

اسلام آباد۔29ستمبر  (اے پی پی): صدر ءِ مملکت آصف علی زرداری ءَ پاکستانی باکسر سمیر خان ءَ را راجدپتری سوبمندی ءِ پد ءَ مبارک بات داتگ ءُ گوشت کہ پاکستان ءَ اولی رند ءَ یوتھ ورلڈ بینٹم ویٹ ءِ ٹائٹل گپتگ۔ دو شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ سمیر خان ءِ سوبمندی راج ءِ واستہ فخر ءِ ساھت اِنت۔ سمیر خان ءَ پاکستان ءِ نام جھان ءِ پڑ ءَ سھرا کتگ۔ جوانیں باکسر ءِ محنت، جزم ءُ جذبہ ستا کرز انت۔