پاکستان ءِ دریائی شوبگ تجارت ءُ اقتصادی استحکام ءِ سرین ءِ ھڈ اِنت، دریائی دیمروئی راجی دیمروئی ءِ ضامن اِنت، صدر آصف علی زرداری

اسلام آباد۔29ستمبر  (اے پی پی): صدر آصف علی زرداری ءَ گوشت کہ پاکستان ءِ دریائی شوبگ راجی بیپار ءُ اقتصادی برجائی ءِ مڈی انت، دریائی دیمروئی راجی دیمروئی ءِ ضامن انت۔ صدر آصف علی زرداری ءَ جہانی میری ٹائم روچ 2025 ءِ موہ ءَ صدر ایوان ءِ پریس ونگ ءَ چہ جاڑی بوتگیں وتی ھاسیں کلوہ ءِ تہ ءَ گوشت کہ پاکستان ءِ میری ٹائم آیوکیں باندات روشن ءُ پائیدار اِنت۔ بندر آنی دیمروئی، ڈیجیٹلائزیشن ءُ نوک کنگ حکومت ءِ اولویت انت۔ پاکستان ءِ میری ٹائم سیکٹر راجی تجارت ءُ اقتصادی استحکام ءِ سرین ءِ ھڈ ءِ ہڈ اِنت۔ صدر ءِ مملکت ءَ گوشت کہ کراچی ءُ پورٹ قاسم ءِ اپ گریڈیشن ءِ کار برجاہ انت، ءُ ما ایشی ءَ را دمگی تجارتی مرکز ءِ رنگ ءَ بدل کنگ ءِ واستہ جزمیگ آں۔ آئی ءَ گوشت کہ میری ٹائم سیکٹر ءَ اصلاحات برجاہ انت، راجی جہاز رانی ءَ را جھان ءِ تک ءَ مسابقتی جوڑ کنگ بوھگ ءَ انت۔ آئی ءَ گوشت کہ پاکستانی جہاز رانی کمپنی آنی واستہ ترغیب ءِ سبب ءَ درملکی انحصار ءَ را کم کنگ، مال برداری ءِ سیکورٹی گہتر بیت ءُ درملکی زرّ ءِ بچت بیت۔ پاکستان سنگل ونڈو ءِ چیر دستی ءَ پورٹ کمیونٹی سسٹم ءِ مرحلہ وار نفاذ ءِ کار برجاہ انت۔ بندرگاہ ءِ کاروائی آنی ڈیجیٹلائزیشن ءِ وسیلگ ءَ سرجمیں سپلائی چین ءَ را دل یکیمی کنگ بوھگ ءَ اِنت۔ صدر ءِ مملکت ءَ گوشت کہ جھان ءِ رجحان آنی رد ءَ راجی نپ ءُ دمگی یکوئی ءِ واستہ اصلاحات المی انت۔ پاکستان گلوبل میری ٹائم کمیونٹی ءِ یک ذمہ واریں باسک ءِ رنگ ءَ دیم ءَ آیگ ءَ انت۔ آئی ءَ گوشت کہ ما میری ٹائم سیکٹر ءَ یکوئی ءُ مزنیں کارکردگی ءِ وسیلگ ءَ برجمیں دیمروئی ءِ واستہ جزمیگ آں۔ یک مضبوط سمندری مستقبل ءِ گوں شریں تربیت ءُ محنت ءَ ممکن انت۔ پاکستان ءَ را میاں اوستمانی تک ءَ یک باوقار، پائیدار ءُ نوکیں میری ٹائم راج جوڑ کنگ بیت۔ صدر ءِ مملکت ءَ گوشت کہ میری ٹائم سیکٹر ءَ سرمایہ کاری ءَ چہ تجارت ءِ کساس گیش بیت ءُ روزگار ءِ موہ پیداک بنت۔ بندر آنی نوک کنگ ءَ چہ پاکستان ءَ را دمگی تجارتی گیٹ وے ءِ رنگ ءَ بدل کنگ بیت۔ پاکستان گلوبل ٹریڈ سپلائی چین ءِ یک جتائیں بہرے جوڑ بوھگ ءِ واستہ تیار انت۔ ما میری ٹائم سیکٹر ءِ تہ ءَ درستیں سٹیک ہولڈراں یکجاہ کن ایں .