اھوالاں تاں سر بوھگ ھمک شہری اس ءِ بنیاتی  ءُ کانودی ھک اِنت، سید یوسف رضا گیلانی

اسلام آباد۔28ستمبر  (اے پی پی):سینیٹ ءِ چیئرمین سید یوسف رضا گیلانی ءَ گوشت کہ ھال ءُ اھوال ءِ رسگ ھمک شہری ءِ بنیاتی ءُ آئینی ھک اِنت، راستی ءَ را جعلی ھال آنی وسیلگ ءَ گمراہ کنگ مہ بیت۔ یک شمبے ءِ روچ ءَ ھال رسانی ءِ میاں اوستمانی روچ ءِ درگت ءَ وتی کلوہ ءِ تہ ءَ آئی ءَ گوشت کہ پاکستان ءِ آئین ءَ ھال رسانی ءِ رکھینگ بیت، سرپدیں چاگرد شفافیت، دیمروئی ءُ انصاف ءِ بنیات ءَ ایر کنت۔ سید یوسف رضا گیلانی ءَ گوشت کہ راست ءُ وھد ءُ پاس ءِ سر ءَ سرپدی مہلوک ءَ را توانمند کنت ءُ حکومت ءِ سر ءَ بھروسہ ءَ را مھکم کنت، استیں دور ءَ رسانکدر ءِ ارزشت دو رند ءَ گیش بوتگ، ذمہ واریں رپورٹنگ ھمک اھوالکار ءِ بنکی ذمہ واری انت، راستی ءَ را جعلی ھال آنی وسیلگ ءَ گمراہ کنگ مہ بیت۔ سید یوسف رضا گیلانی ءَ گوشت کہ شفافیں گورننس ءُ گہتریں انتظامی کار آنی واستہ ھال ءُ اھوال آنی آزاتیں روانی ناگزیر اِنت۔ آئی ءَ گوشت کہ محکمہ انفارمیشن حکومت ءُ الس ءِ نیام ءَ پُل ءِ کرد ءَ پیلو کنت، توامیں ادارگ انفارمیشن سسٹم ءَ رسائی ءَ را گیش جوانیں رنگ ءَ جوڑ بہ کن اَنت۔ چیئرمین سینیٹ ءَ گوشت کہ اھوالکار کمیونٹی ءَ را راست ءُ سرجمیں ھال آنی پجاری ءَ را دل یکیمی کنگ لوٹ ایت، آئی ءَ گوشت کہ ھال ءُ اھوال ءُ سرپدی یک رژنائیں چاگرد ءُ جمہوریت ءِ جون انت۔