سیلاب ءِ آماچیں مردمانی کمک ءَ چین ءَ چہ دو کمکی جہاز پاکستان ءَ سر بوتگ انت

اسلام آباد۔28ستمبر  (اے پی پی):سیلاب ءِ آماچیں مردمانی کمک ءِ واستہ چین ءِ نیمگ ءَ چہ دو کمکی جہاز پاکستان ءَ سر بوتگ انت۔ یک شمبے ءِ روچ ءَ این ڈی ایم اے ءِ نیمگ ءَ جاڑی بوتگیں بیان ءِ رد ءَ دو بالی گراب آنی وسیلگ ءَ چین ءَ چہ نور خان ایئر بیس ءَ 300 ٹینٹ ءُ 9ہزار کمبل سر کنگ بوتگ۔ کشمیر ءُ گلگت بلتستان ءِ کارانی وفاقی وزیر انجینئر امیر مقام ءُ این ڈی ایم اے ءِ چیئرمین لیفٹیننٹ جنرل انعم حیدر ملک ءَ امدادی بالی گراب آنی وش آتک کتگ۔ پاکستان ءَ چین ءِ سفیر ءَ ھم اے مراگش ءَ بھر زرتگ۔ اے موہ ءِ سر ءَ کشمیر ءِ وفاقی وزیر ءُ گلگت بلتستان امور ءِ انجینئر امیر مقام ءَ گوشت کہ چین ءِ وھد ءِ سر ءَ کمک پاکستان ءُ چین ءِ نیام ءَ دائمی دوستی ءِ آدینک انت۔ مزن وزیر ءِ ہدایت ءِ رد ءَ سرکاری ادارگ ءُ این ڈی ایم اے زدگیں مردم آناں ریلیف ءِ پجارینگ ءِ واستہ سرگرمیں رنگ ءَ کار کنگ ءَ انت۔ چین ءَ گرانیں وھد ءَ پاکستان کدی تہنا نہ یلہ داتگ ۔