پاک فوج ءِ وھد ءُ پاس ءِ گامگیج ءَ چہ باجوڑ  ءَ  تراک  ءِ  آماچیں بے گناہیں زھگانی جان رکینتگ

اسلام آباد۔28ستمبر  (اے پی پی):پاک فوج ءِ وھد ءُ پاس ءِ گامگیج ءِ سبب ءَ باجوڑ  ءَ تراکناک تراک ءَ چہ آماچ بوتگیں بے گناہیں زھگانی جان رکینتگ۔ پولیس ءُ ھمگرنچیں ادارہاں وئیل ءِ کش ءُ گور کتگ ءُ شواہد جم کتگ اَنت۔ تفصیلات ءِ رد ءَ باجور ءِ دمگ لغرائی ءَ فتنہ الخوارج ءِ یلہ داتگیں تراک ءِ سبب ءَ 3 زھگ شہید ءُ 5 ٹپیگ بوتگ انت۔ تراکناکیں سامان ءِ تراک ءِ غمناکیں وئیل 27 ستمبر ءَ بوتگ کہ زھگ فتنہ الخوارج ءِ یلہ داتگیں تراکناکیں سامان ءَ گوں گوازی کنگ ءَ اتنت کہ تراکناکیں سامان ءِ تراک بوتگ۔ وھد ءِ سر ءَ گامگیج زورگ ءَ پد پاک فوج ءَ ٹپیگیں زھگ بالی گراب ءِ وسیلگ ءَ پشاور ءَ سر کتگ اَنت ۔ ٹپیگیں زھگ سی ایم ایچ پشاور ءَ پاک اُرد ءِ ماہریں ڈاکٹرانی رھشونی ءَ الاج کنگ ءَ اَنت ۔ پولیس ءُ ہمگرنچیں ادارہاں وئیل ءِ سرا انحصار کتگ ءُ شواہد جم کتگ انت۔ اے سانحہ ءِ ثبوت انت کہ فتنہ الخوارج ءَ چوں اے دمگ ءَ یک خطرناکیں تراکناکیں چیزے ایر کتگ۔ فتنہ الخوارج ءَ گوستگیں وھداں ھم مسیت ءُ لوگ آناں سپر ءِ رنگ ءَ کارمرز کنان ءَ ناشرکاری کار کتگ۔ طیرہ وادی ءَ ھم فتنہ الخوارج ءِ ذخیرہ کتگیں تراک ءِ سبب ءَ بازیں بے گناہیں شہری شہید بوتگ ءُ 14 ناشرکار بیران بوتگ انت۔ تراک ءِ اے غمناکیں واقعہ اے گپ ءَ ثابت کنت کہ خوارج شہری آبادی ءَ را سپر ءِ رنگ ءَ کارمرز کنگ ءَ انت۔ پاکستانی لشکر گوں دمگی آبادی ءِ کمک ءَ باجور ءِ دمگاں چہ تراکناکیں چیزاں پاک کنگ ءِ ھاترا دلجم اِنت۔ چہ لس مھلوک ءِ ھمکاری ءَ سیکورٹی فورسز ءُ ھمگرنچیں ادارگ زوت بجاور ءَ چہ فتنہ الخوارج ءِ ھترہ آں سرجم ءَ پاک کن اَنت۔