امریکہ ءِ بحریہ یو ایس ایس وین ای میئر ءِ پاکستان ءِ دو روچی تر ءُ تاب ءِ آسر

کراچی۔28ستمبر  (اے پی پی):امریکی بحریہ جہاز یو ایس ایس وان ای مائر ءِ پاکستان ءِ دو روچی تر ءُ تاب ءِ آسر بوتگ۔ سرجمیں ھالانی رد ءَ تر ءُ تاب ءِ ساھت ءَ امریکی بحریہ ءِ کمانڈنگ آفیسر ءَ کمانڈر پاکستان فلیٹ ریئر ایڈمرل عبدالمنیب ءَ گوں گند ءُ نند کتگ ءُ وت مہ وتی دلپدردی ءِ جیڈھانی سر ءَ ھیال ریچی کنگ بوتگ۔ اے تر ءُ تاب ءِ ساھت ءَ امریکی بحریہ ءِ عملہ ءَ تربیتی سیشن ءُ لیب ءُ گوازی ءِ مقابلہ آں ہم بہر زرتگ۔ اے کارانی مول ءُ مراد یکے دومی ءِ کمک ءَ را گیش کنگ ءُ پیشہ وارانہ مہارت آناں گیش گیش کنگ بوتگ۔ دوئیں ملک آنی نیوی آنی کارندہ آں یکے دومی ءِ جہاز آنی تر ءُ تاب ھم کتگ۔ یو ایس ایس وان ای مائر ءِ پاکستان ءِ تر ءُ تاب دمگ ءِ تہ ءَ دریائی ایمنی ءُ برجائی ءِ واستہ یکجائی عزم ءِ درشان اِنت۔ یو ایس ایس وان ای مائر ءِ تر ءُ تاب ءَ دوئیں ملک آنی بحریہ آنی نیام ءَ دیریں بحری کمک ءَ را گیش ءُ گیوار کتگ۔