اھوالکاری ءِ رسگ ھمک  شہری ءِ یک بنیاتی ءُ جمہوری ھک اِت،  صدر آصف علی زرداری ءَ گوشتگ  کہ زانتکاری ءِ آزاتیں روانی شفافیت، احتساب ءُ نیکیں حکومت داری ءَ را دیم ءَ برگ ءَ انت

اسلام آباد۔28ستمبر  (اے پی پی):صدر ءِ مملکت آصف علی زرداری ءَ گوشت کہ ھال ءُ اھوال ءِ رسگ ھمک شہری ءِ بنیاتی ءُ جمہوری ھک انت۔ اھوالکاری ءِ آزادی ءِ روانی ءَ چہ شفافیت، احتساب ءُ نیکیں حکومت داری ءَ را دیم ءَ برگ بیت۔ یک شمبے ءِ روچ ءَ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ زانتکاری ءِ رسائی ءِ جھان ءِ روچ ءِ موہ ءَ یک پیغام ءِ جاری کنان ءَ گوشت کہ ردیں ھال ءُ اھوال آنی وسیلگ ءَ راستی ءِ رد کنگ مرچیگیں دور ءِ مزنیں چیلنج اِنت۔ جعلی حالانی شنگ کنگ ءَ چہ راجی یکوئی ءُ ادارہانی سرا راج ءِ اعتماد ءَ تاوان رسیت۔ جمہوری استحکام ءِ ھاتر ءَ ذمہ واریں رپورٹنگ ءُ درستیں زانتکاری ءِ پھجارینگ المی اِنت۔ صدر ءِ مملکت ءَ گوشت کہ ھوالگ ءِ وھد ءِ سر ءَ راستی ءَ رسائی ءَ چہ شہری آناں توان ئُُ توان رسیت۔ صدر ءِ مملکت ءَ الس ءَ گوں اپیل کتگ کہ آ سوشل میڈیا ءِ سر ءَ نا راستیں ھال آنی شنگ کنگ ءَ چہ بہ پھریز اَنت۔ یک آشنایں چاگردے شفافیت، دیمروئی ءُ عدالت ءِ بُن ھشت اِنت۔ کلیں ادارہ آں انفارمیشن رسائی سسٹم ءَ را گیش موثر جوڑ کنگی انت۔