چینی مزن وزیر ءَ مدام جھان ءِ کار آنی تہ ءَ سرگرمیں رنگ ءَ بھر زوری کتگ

نیویارک۔27ستمبر  (اے پی پی):چینی مزن وزیر لی کیکیانگ ءَ نیویارک ءَ اقوام متحدہ ءِ جنرل اسمبلی ءِ 80می دیوان ءِ جنرل ڈیبیٹ ءَ بھر زوری کتگ ءُ گشتانک داتگ۔ شمبے ءِ روچ ءَ لی کی کیانگ ءَ اے گپ ءِ سر ءَ زور پر دات کہ اقوام متحدہ ءِ بنجاہی باسک ءِ بستار ءَ چین ءَ مدام جھان ءِ کار آنی تہ ءَ سرگرمیں رنگ ءَ بھر زرتگ ءُ انسانی وشھالی ءَ را گہتر کنگ ءِ ھاترا کوشست کتگ۔ گوستگیں سالاں صدر شی جن پنگ ءَ بنی آدم ءِ واستہ یک مشترکہ آیوکیں باندات ءِ گوں یک کمیونٹی ءِ تصور ءِ دیم ءَ آورتگ ءُ ہمے رنگ ءَ گلوبل ڈویلپمنٹ انیشیٹیو، گلوبل سیکورٹی انیشیٹیو، گلوبل سیولائزیشن انیشیٹیو ءُ گلوبل گورننس انیشیٹیو ءِ دیم ءَ آؤرتگ کہ آہاں چینی عقل ءُ چینی زوتیں گیواری ءِ دیم ءَ آؤرتگ انت کہ جہانی بدلی ءِ دیم ءَ دارگ بہ بیت۔ لی کی کیانگ ءَ گوشت کہ چین مدام جھان ءِ امن ءُ ایمنی ءِ مھکمیں نگہبان بوتگ، جھان ءِ یکجاھیں دیمروئی ءِ یک ھاسیں ڈرائیورے، تہذیبی تبادلہ ءُ کمک ءِ سرگرمیں منوگر ءُ جھان ءِ چیلنج آناں گیواری ءِ تہ ءَ ذمہ واریں شریک بوتگ۔ دیم ءَ چارگ ءَ چین اقوام متحدہ ءِ منشور ءِ مول ءُ مراد ءُ اصول آنی برجائی ءِ واستہ درستیں گل آنی گوما کار کنگ ءِ واستہ تیار اِنت، کثیر الجہتی ءِ جذبہ ءَ را دیم ءَ برگ ءِ واستہ، چاریں گلوبل انیشیٹیو آناں سرگرمیں رنگ ءَ عمل کنگ ءُ بنی آدم ءِ واستہ یک مشترکہ آیوکیں وھد ءِ گوں یک کمیونٹی ءِ بُرزیں مول ءُ مراد ءِ نیمگ ءَ مدام دیم ءَ روگ ءِ واستہ تیار اِنت۔