چین ءِ شہر شیان ءَ پاکستان ءِ سفیر خلیل ھاشمی ءَ ”ایمبیسڈرز کچن“ ءِ بنگیج کتگ

بیجنگ۔27ستمبر  (اے پی پی):چین ءِ تہ ءَ پاکستان ءِ سفیر خلیل ھاشمی ءَ یوریشیا اقتصادی فورم 2025 ءِ موہ ءَ چین ءِ شہر شیان ءَ ”سفیر ءِ کچن“ ءِ بنگیج کت۔ اے موہ ءِ سر ءَ تران کنان ءَ سفیر خلیل ھاشمی ءَ پاکستان ءُ شانسی ءِ نیام ءَ گیش بوھوکیں سیادی ءِ سر ءَ زور پر دات ءُ گوشت کہ جون 2024 ءَ مزن وزیر شہباز شریف ءِ شانسی ءِ تر ءُ تاب ءَ چہ دو نیمگی کمک ءَ را نوکیں رنگ ءُ دروشم داتگ۔ آئی ءَ گوشت کہ اے کچن پاکستان ءِ مہمان نوازی ءُ دود ءُ ربیدگ ءِ تنوع ءَ را نزیک ءَ چہ تجربہ کنگ ءِ پلیٹ فارم اِنت، ایشی ءِ تہ ءَ آم، بسمتی چاول ءُ گلابی نمک ءِ وڑیں نامداریں پاکستانی پیداوار ھم پیش کنگ بنت۔ پاکستانی سفیر ءَ ورگ ءَ را دود ءُ ربیدگی سفارتکاری ءِ پُل لیکگ ءَ گوشت کہ اے کوھنیں ریشم ءِ راہ ءِ دود ءُ ربیدگ ءُ مرچیگیں تبادلہ آنی نیام ءَ پُل اِنت۔ آئی ءَ گیش گوشت کہ اے گامگیج چین ءِ گوما پاکستان ءِ گیشیں اقتصادی سیادی ءَ را ھم مھکم کنت ھاسیں رنگ ءَ کشت ءُ کشاری شوبگ، فوڈ پروسیسنگ ءُ تجارت ءِ تہ ءَ کمک ءَ را مھکم کنت۔