سینیٹ ءِ چیئرمین سید یوسف رضا گیلانی ءِ گشگ انت کہ سیل ءُ سواد ہر ملک ءِ اقتصادی، چاگردی ءُ دودمانی دیمروئی ءِ ریڑھ ءِ ہڈ انت

اسلام آباد۔27ستمبر  (اے پی پی):سینیٹ ءِ چیئرمین سید یوسف رضا گیلانی ءَ گوشت کہ سیل ءُ سواد کجام ھم ملک ءِ اقتصادی، چاگردی ءُ دود ءُ ربیدگی دیمروئی ءِ ریڑھ ءِ ھڈ اِنت۔ پاکستان ءَ سیل ءُ سواد ءِ دیمروئی ءَ چہ نہ ایوک ءَ معیشت ءِ تہ ءَ استحکام ءُ روزگار ءِ مزنیں موہ پیداک بنت بلکیں راجی وشھالی ءَ را گیش کنگ ءُ دگنیا ءِ دیم ءَ پاکستان ءِ جوانیں ءُ رژنائیں عکس ءَ را پدر کنگ بیت۔ شمبے ءِ روچ ءَ سیل ءُ سواد ءِ جھان ءِ روچ ءِ درگت ءَ وتی کلوہ ءِ تہ ءَ آئی ءَ گوشت کہ پاکستان وتی جغرافیائی تنوع، قدرتی زیبائی، کوھنیں تہذیب ءُ مذہبی ءُ دود ءُ ربیدگی پڑ ءِ سبب ءَ سرجمیں دگنیا ءَ چہ سیل ءُ سواد کنوک آنی واستہ دلکشیں مرکز انت۔ پاکستان ءِ پجار ایوک ءَ بُرزیں کوہ، صحرا ءُ کش ءُ گوراں نہ اِنت بلکیں کلاش وادی ءِ دود ءُ ربیدگ، گندھارا تہذیب ءِ شان ءُ کرتار پور راہداری ءِ وڑیں روحانی مراکز ہم پاکستان ءَ را دنیا ءِ جتا جتائیں مذہب ءُ دودمانانی ہاترا یک انچیں ءُ ھاسیں جاہے دنت۔ چیئرمین سینیٹ ءَ گوشت کہ حکومت ءَ مذھبی سیل ءُ سواد ءِ دیمروئی ءِ واستہ یک ٹوھیں ویزا پالیشی ءِ دیم ءَ آؤرتگ ءُ اے گامگیج نہ ایوک ءَ بین المذاہب یکوئی ءُ رواداری ءَ را دیمروئی دنت بلکینگ ءَ پاکستان ءِ اکس ءَ را دگنیا ءِ دیم ءَ یک پرامن، مہمان نواز ءُ ذمہ واریں ریاست ءِ رنگ ءَ پدر کنت۔ چیئرمین سینیٹ ءَ گوشت کہ استیں پارلیمنٹ پائیدار سیل ءُ سواد ءِ دیمروئی ءِ واستہ جزم انت تانکہ اقتصادی دیمروئی، چاگردی انصاف، دود ءُ ربیدگی یکوئی ءُ راجی یکوئی ءَ را دل یکیمی کنگ بہ بیت۔ آئی ءَ اے جزم ءِ یک رندے پدا گوشت کہ سیل ءُ سواد ءِ دیمروئی ءِ وسیلگ ءَ ما پرامن، وشھال ءُ دیمروئی کتگیں پاکستان ءِ بنیات ءَ ایر کت کن ایں ۔