حوثی آں ایل پی جی ٹینکر ءُ آئی ءِ کارندہ یلہ داتگ انت کہ ایشی ءِ تہا 24 پاکستانی ھوار انت کہ اسرائیل ءِ اُرش ءِ آماچ بوتگ انت ءُ نوں آ یمن ءِ دمگی آپانی دپ ءَ شتگ انت، وفاقی وزیر داخلہ محسن نقوی

اسلام آباد۔27ستمبر  (اے پی پی):وفاقی تہی کارانی وزیر محسن نقوی ءَ گشتگ کہ حوثی آں ایل پی جی ٹینکر ءُ آئی ءِ کارندہ یلہ داتگ انت کہ اسرائیل ءِ اُرش ءِ آماچ بوتگ انت ءُ نوں آ یمن ءِ دمگی آپاں چہ در شتگ انت۔ شمبے ءِ روچ ءَ آئی ءَ سوشل میڈیا ءِ سر ءَ گوشت کہ 17ستمبر ءَ حوثی آنی چیر دستی ءَ راس العیسیٰ بندرگاہ ءَ اسرائیلی ڈرون ءَ ایل پی جی ٹینکر ءِ سر ءَ اُرش کتگ کہ ایشی ءِ تہ ءَ 24 پاکستانی، دو سری لنکا ءُ یک نیپالی ءِ مردم ھوار بوتگ اَنت کہ ایشی ءِ تہ ءَ کیپٹن مختار اکبر ھم ھوار اِنت۔ وفاقی داخلہ ءِ وزیر ءَ گشتگ کہ اُرش ءَ پد ایل پی جی ءِ ٹینک ءِ تہا آتشزدگی بوتگ بلے جہاز ءِ کارندہ آں آتشزدگی ءِ ہلاس کتگ۔ آئی ءَ گوشت کہ حوثی کشتی آں ٹینکر ءِ راہ ءَ بند کتگ ءُ 27باسکی عملہ یرغمال کتگ۔ وزیر داخلہ ءَ گوشت کہ من تہی کارانی وزیر خرم آغا، وزارت داخلہ ءِ کارندہ، عمان ءَ پاکستان ءِ سفیر نوید بخاری، آئی ءِ ٹیم، سعودی عرب ءِ ھمکار ءُ پاکستانی سیکورٹی ادارگ آناں پاکستان ءِ شہری آناں غیر معمولی ءِ رد ءَ کار کنگ ءِ ھاتر ءَ دل ءِ تہ ءَ چہ منت وار آں ۔ الحمداللہ حوثی آں ٹینکر ءُ آئی ءِ کارندہ یلہ داتگ انت ءُ آ نوں یمن ءِ سرزمین ءِ آپاں چہ دیم ءَ شتگ انت۔