سیکورٹی فورسز لکی مروت آپریشن ءِ تہا ہندوستان ءِ کمک ءَ 17  درئی  ناشرکار کشتگ انت

راولپنڈی ۔27ستمبر  (اے پی پی):خیبر پختونخوا ءِ ضلع لکی مروت ءَ انٹیلی جنس ءِ بنیات ءَ آپریشن ءِ وھد ءَ سیکورٹی فورسز ءَ ہندوستان ءِ کمک ءَ 17خوارج کش اتگ۔ آئی ایس پی آر ءِ نیمگ ءَ شمبے ءِ روچ ءَ شنگ بوتگیں بیان ءِ رد ءَ 26/27 ستمبر ءِ شپ ءَ سیکورٹی فورسز ءَ ضلع لکی مروت ءَ بھارت ءِ حمایت کتگیں فتنہ الخوارج ءِ گوں سیادی داروکیں خوارج ءِ ھست بوھگ ءِ ھال ءِ سر ءَ انٹیلی جنس ءِ بنیات ءَ آپریشن کتگ۔ آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را موثریں رنگ ءَ اُرش کتگ ءُ ایشی ءِ آسر ءَ 17 ھندی حمایت کتگیں خوارج بیران بوتگ اَنت۔ چہ کشگ بوتگیں خوارجاں سلاہ ءُ گولہ بارود ھم برآمد کنگ بوتگ کہ آ سیکورٹی فورسز ءُ قانون نافذ کنوکیں ادارہانی ھلاپ ءَ بازیں ناشرکاری کارروائیانی تہ ءَ ھوار بوتگ اَنت ءُ ھمے رنگ ءَ بے گناھیں شھری مردمانی کُشگ ءِ تہ ءَ ھم ھوار بوتگ اَنت۔ اے دمگ ءَ دگہ ھندی کمک ءِ درملکی مردم دست کپگ ءِ ھاترا سینیٹائزیشن آپریشن کنگ بوھگ ءَ اِنت۔ پاکستان ءِ سیکورٹی فورسز ملک ءَ چہ بھارت ءِ کمک ءَ ناشرکاری ءِ ھترہ ءَ را ھلاس کنگ ءِ ھاترا جزم اَنت۔