ملائیشیا ءَ ہر مشکل ءَ پاکستان ءِ کمک کتگ، پاکستان ایشی ءَ را ارزشت دنت، پاک ملائیشیا وتی تجارتی توانائی ءَ چہ سرجمیں رنگ ءَ پائدگ چست کنگ ءِ واستہ گامگیج زورگ ءَ انت، مزن وزیر شہباز شریف

نیویارک ۔27ستمبر  (اے پی پی):مزن وزیر محمد شہباز شریف ءَ گوشت کہ ملائیشیا ءَ ھرچ مشکل ءَ پاکستان ءِ کمک کتگ، پاکستان ءَ را ارزشت دنت، پاک ءُ ملائیشیا ءِ نیام ءَ بیپار ءِ رد ءَ بے دروریں گنجائش است انت، ایشی ءَ چہ سرجمیں رنگ ءَ پائدگ چست کنگ بوھگ ءَ انت، سیادی داروکیں ادارگ آنی نیمگ ءَ پاکستان ءِ برآمد ءِ واستہ ملائیشیا ءِ واستہ کارآمد ءُ ٹھوس منصوبگ جوڑ کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ شمبے ءِ روچ ءَ نیویارک ءَ چہ ویڈیو لنک ءِ وسیلگ ءَ پاکستان ءُ ملائیشیا ءِ نیام ءَ تجارت ءِ دیمروئی ءِ ھوالگ ءَ دیوان ءِ سروکی کت۔ گند ءُ نند ءِ ساھت ءَ مزن وزیر ءَ گشتانک دیان ءَ گوشت کہ پاکستان ءُ ملائیشیا ءِ نیام ءَ دہائی آنی براتی سیادی است انت، ملائیشیا ءَ ہر مشکل ءَ پاکستان ءِ کمک کتگ، پاکستان ایشی ءَ را ارزشت دنت۔ گند ءُ نند ءِ تہ ءَ پاکستان ءُ ملائیشیا ءُ پاکستان ءِ نیام ءَ تجارتی سیادی آنی سر ءَ سرجمیں چار ءُ تپاسی ءِ سر ءَ گپ جنگ بوت۔ اے موہ ءِ سر ءَ مزن وزیر ءَ را ملائیشیا ءَ پاکستان ءِ برآمداتی گنجائش ءِ ھوالگ ءَ سرجمیں بریفنگ دیگ بوت۔ گند ءُ نند ءِ ساھت ءَ مزن وزیر ءَ ملائیشیا ءُ پاکستان ءِ تجارت ءِ ھوالگ ءَ ھاسیں رنگ ءَ پاکستانی گوشت ءِ ملائیشیا ءَ برآمد کنگ ءِ ھوالگ ءَ یک ٹھوس ایکشن پلان ءِ جوڑ کنگ ءُ پیش کنگ ءِ ہدایت کت۔