مزن وزیر شہباز شریف ءَ ضلع کرک ءَ 17 خوارج ءِ کوش ءِ پد ءَ سیکورٹی فورسز ءَ را  توسیپ ءُ ستا

واشنگٹن۔27ستمبر  (اے پی پی):مزن وزیر محمد شہباز شریف ءَ ضلع کرک ءَ 17 خوارج ءِ کوش ءِ سر ءَ سیکورٹی فورسز ءَ را شگر ءُ منت گپت ءُ گوشت کہ سیکورٹی فورسز ءِ پیشہ وارانہ ءُ وھد ءِ سر ءَ کارروائی ءِ سبب ءَ خوارج آنی نا شریں ارادہ ناکام بوتگ اَنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ ضلع کرک ءَ سیکورٹی فورسز ءِ آپریشن ءَ ٹپی بوتگیں کارندہ آنی زوت جان سلامتی ءِ دعا کتگ۔ آئی ءَ گوشت کہ سیکورٹی فورسز ءِ پیشہ وارانہ ءُ وھد ءِ سر ءَ کارروائی ءِ سبب ءَ خوارج ءِ نا شریں نیت ناکام بوتگ انت۔ سرکار ءُ سیکورٹی فورسز ناشرکاری ءِ سرجمی ءَ ھلاس کنگ ءِ ھاترا جزم اَنت۔ مزن وزیر ءَ گوشت کہ ناشرکاری ءِ راکشس ءِ زوت چل ءَ کنگ بیت۔