سیلاب ءِ گوستگیں جاور ھال ءُ ملک ءَ بحالی ءِ گامگیج آنی ھوالگ ءَ چار ءُ تپاسی دیوان ءَ مزن وزیر شہباز شریف ءِ تران

نیویارک ۔27ستمبر  (اے پی پی):مزن وزیر محمد شہباز شریف ءَ گشتگ داں وھدیکہ سیلاب ءِ آماچیں دمگاں آماچیں مردم آناں جان سلامتی مہ بیت آ چین ءِ گوما نہ ننداں ۔ اقوام متحدہ ءِ جنرل اسمبلی ءَ موسمیاتی بدلی ءِ تاوان باریں آسر آنی رد ءَ پاکستانی آنی توار دگنیا ءَ را سر کنگ بوت۔ پاکستان ءِ وڑیں دیمروئی کنوکیں ملک موسمیاتی بدلی ءِ سبب ءَ بوتگیں قدرتی آفتانی سبب ءَ مدام آماچ انت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ نیویارک ءَ اقوام متحدہ ءِ جنرل اسمبلی ءَ گوں تران کنان ءَ زوت ملک ءَ سیلاب ءِ جاور ھال ءُ برجاھیں بحالی ءِ گامگیج آنی سر ءَ چار ءُ تپاسی دیوان ءِ سروکی کت۔ گند ءُ نند ءِ تہ ءَ مزن وزیر ءَ سیلاب ءِ آماچیں مردمانی کمک ءُ بحالی ءِ آپریشن ترند کنگ ءِ ہدایت کت ءُ گوشت کہ داں وھدیکہ سیلاب ءَ آماچیں دمگ آنی مردم بحال نہ بنت من چین ءِ گوما نہ ننداں ۔ مزن وزیر ءَ منصوبہ بندی ءِ وفاقی وزیر احسن اقبال ءَ را ہدایت کت کہ آ ریلیف ءُ بحالی ءِ کارروائی آنی سر ءَ نزیکی ءَ گوں نگرانی بہ کنت ءُ آئی ءَ این ڈی ایم اے ءِ چیئرمین ءَ را ہدایت کت کہ آ صوبگ ءُ پی ڈی ایم اے آناں سرجمیں کمک ءَ بہ کنت ءُ ہنگامی بنیاد ءَ آماچیں دمگ آنی تہ ءَ تاوان ءِ جائزہ ءَ را سرجم بہ کنت۔ مزن وزیر محمد شہباز شریف ءَ گوشت کہ سیلاب ءَ چہ پد فصل ءُ بنیاتی ڈھانچگ ءَ را تاوان ءِ اندازہ ءُ ارزیابی زوتاں چہ زوت سرجم کنگ بہ بیت تانکہ ریلیف آپریشن ءُ بحالی ءِ واستہ سرجمیں منصوبگ بندی ءَ را آسراتی رس ایت۔ مزن وزیر ءَ این ایچ اے ءَ را ہدایت کت کہ آ دریائے ستلج ءِ ایم 5 ءِ سیلاب ءَ چہ آماچیں سیکشن ءِ بحالی ءِ واستہ گامگیج آناں ترند بہ کنت ءُ گوشت کہ موٹروے ءِ سر ءَ جلال پور پیروالہ ءَ شگاف ءَ را ترندیں رنگ ءَ جوڑ کنگ بہ بیت۔ سیکرٹری کمیونیکیشن ءُ چیئرمین این ایچ اے ءَ زوت ایم 5 ءِ آماچیں دمگ ءَ سر بوتگ ءُ تاوان ءِ اندازہ جتگ۔ مزن وزیر ءَ ہدایت کت کہ آپ ءَ چہ پیداکیں نادراہی آنی گر ءُ دار ءِ واستہ درستیں المی ئیں گامگیج کنگ بہ بنت، ءُ سیلاب ءَ چہ آماچیں دمگ آنی تہ ءَ موزوں فصل آنی کشت ءُ کشار ءِ واستہ ھم ھاسیں گامگیج کنگ بہ بنت۔ مزن وزیر محمد شہباز شریف ءَ نیویارک ءَ چہ ویڈیو لنک ءِ وسیلگ ءَ گوستگیں سیلاب ءِ جاور ھال ءُ برجاھیں ریلیف آپریشن ءُ بحالی ءِ گامگیج آنی سر ءَ چار ءُ تپاسی دیوان ءِ سروکی ءَ کت۔ گند ءُ نند ءَ گلگت بلتستان ءُ آزات کشمیر ءَ ھوار چاریں صوبگ آنی چیف سیکرٹری آں ھم بھر زوری کت۔ گند ءُ نند ءِ تہ چیئرمین این ڈی ایم اے ءَ مزن وزیر ءَ را سیلاب ءِ آماچیں دمگ آنی جاور ءُ بحالی منصوبگ ءِ بابت ءَ سرپد کت۔ دیوان ءَ را گوشگ بوت کہ کمکی کیمپ ءُ خیمہ ءِ آبادی ءَ چہ نزیک ءَ 350 ہزار آماچیں مردم وتی لوگاں واتر بوتگ انت۔ مردم اے وھد ءَ سندھ ءِ لھتیں کیمپاں نشتگ انت، سیلاب ءِ آپ گوں تیزی ءَ کم بوھگ ءَ انت، ایشی ءَ پد اے مردم ھم زوت وتی لوگاں واتر بنت۔ دیوان ءَ گیش گوشگ بوت کہ آماچیں مردم آناں راشن ءُ کمک پجاری کنگ بوھگ ءَ انت۔ دیوان ءَ سرپدی دیگ بوت کہ پنجاب حکومت آماچیں مردم آنی بحالی ءِ واستہ مثالی گامگیج کنگ ءَ انت، ءُ فصل ءِ تاوان ءُ کشت ءُ کشاری ءِ بحالی ءِ ھوالگ ءَ ھم سوج پیش کنگ بوت۔ گند ءُ نند ءِ ساھت ءَ مزن وزیر ءَ آیوکیں ھپتگ ءِ اندر ءَ تاوان ءِ اندازگ ءِ ھوالگ ءَ سرجمیں رپوٹ جوڑ کنگ ءُ جم کنگ ءِ فرمان دات۔