اسرائیل ءِ غزہ ءِ سرا اُرش ءَ چہ مزنیں کساسے ءَ مردم بیران بوھگ ءَ انت، اقوام متحدہ

اقوام متحدہ۔26ستمبر  (اے پی پی): اقوام متحدہ ءَ گشتگ کہ اسرائیل ءِ غزہ شہر ءِ سرا اُرش گیش بوھگ ءَ انت ءُ جنگ ءِ آماچیں دمگ ءِ جنوب ءَ جاور انچو ھراب انت کہ بے لوگ ءُ گُرسیں غزہ ءِ مردم ملبہ ءِ سرا ءُ پچیں میداناں واب انت۔ اقوام متحدہ ءِ انسانی کمک ءِ کارگس ءِ نوکیں رپورٹ ءِ رد ءَ اسرائیل ءِ فوجی اُرش غزہ ءِ سر ءَ گیش بوھگ ءَ اَنت ءُ اے اُرشانی آسر ءَ میتگ ، نندگ ءُ پاد آھگ ءُ بنیاتی ڈھانچہ ءِ سر ءَ مزنیں کچے ءَ مردم بیران بوتگ اَنت۔ جنگ ءِ آماچیں دمگ ءِ جنوب ءَ جاور انچو ھراب اَنت کہ بے لوگیں غزہ ءِ مردم ملبہ ءِ سرا ءُ پچیں میداناں واب اَنت ءُ مردم گُرسگ ءَ اَنت۔ چہ مرگ ءَ اَنت۔ اوچا ءِ گشگ اِنت کہ اے ماہ ءَ غزہ ءِ رودراتکی شہر ءَ بازیں جان سلامتی ءِ آسراتی ءُ کمیونٹی کچن بند کنگ بوتگ اَنت، اسرائیل ءِ برجاھیں فوجی کارروائیانی سبب ءَ کہ فلسطینی شہری آں نشانگ جوڑ کنگ ءَ اَنت کہ آ واب اِنت، ورگ ءَ اَنت، ورگ ءُ آپ ءِ واستہ صف بندی کنگ ءَ اَنت ءُ طبی کمک ءِ لوٹگ ءَ اَنت۔ اقوام متحدہ ءِ کمکی کارندہ ٹام فلیچر ءَ جنرل اسمبلی ءِ درگت ءَ یک مراگشے ءَ گشتگ کہ غزہ ءِ مردم بمب تراکی کنگ بوتگ انت، ناتوان کنگ بوتگ انت، گُرسگ بوتگ انت، زندگ زندگ ءَ سُتکگ انت، وتی لوگانی ملبہ ءِ تہا دفن کنگ بوتگ انت ءُ زھگ چہ وتی مات ءُ پتاں جتا کنگ بوتگ انت۔ آئی ءَ گوشت کہ اود ءِ جاور ھال انچوش انت کہ مردم ماڑی آنی ٹُکر آنی تہ ءَ ورگ ءُ آپ ءِ شوھازگ ءَ مجبور انت ءُ ٹپ آنی سر ءَ آپریشن بے اینستھیزیا ءَ کنگ بوھگ ءَ انت۔ ٹام فلیچر ءَ زور پر دات کہ اسرائیل ءَ اے بحران ءَ گوں گر ءُ چیل بوھگ ءِ ھاترا میاں اوستمانی آمید گس ءِ عارضی گامگیج آنی رد ءَ سرجمیں غزہ ءَ ترندیں کمک دیگی اِنت۔ رپورٹ ءِ تہ ءَ گْوشگ بیتگ کہ 19 ستمبر ءَ خان یونس ءِ المواسی ءِ میتگ ءَ چار سالی زھگ ءُ پنچ سالی جنک ءِ لوگ گیس ءِ نشانگ جوڑ کنگ ءَ بیران ءُ دگہ ٹپیگ بوتگ اَنت۔ اوچا ءَ گوشت کہ سرجمیں غزہ ءَ جاری قحط ءِ سبب ءَ دو کلوگرام ءِ نان ءِ بنڈل ءِ ھرچ نوں 9 ڈالر ءَ چہ گیش اِنت، 2025 ءِ بندات ءَ اقوام متحدہ ءِ کمک ءَ چہ بز ءِ 30 سینٹ ءِ مقابلہ ءَ۔ پٹی دیم ءَ شت، ءُ 12 ستمبر ءَ زکما کراسنگ ءِ بند کنگ ءَ پد شمالی غزہ ءَ ھچ وڑیں کمک سر نہ بوتگ۔اے کمکی شریکاں زوراکیں لوٹ اِنت کہ الرشد روڈ ءِ سر ءَ مزنیں ٹریفک ءُ برجاھیں سیکورٹی جیڑھانی باوجود چہ جنوب ءَ پچیں ورگ ءِ رسگ ءَ اَنت۔ غزہ ءِ سرجمیں دمگاں اسرائیل ءِ فوجی اُرشانی گیش بوھگ ءَ پد لھتیں کمیونٹی کچن بند کنگ ءَ پد اے ھپتگ ءَ غزہ ءَ مردماں داتگیں ورگ ءِ کساس چہ 109 ہزار ءَ 59 ہزار ءَ کپتگ۔ اوچا ءَ گْوشتگ کہ غزہ ءِ جنوب ءَ ھاندان ءِ مردم ساحل ءِ کش ءَ عارضی پناہ گاہانی تہ ءَ یا چہ گیشیں مردمانی ھواریں وانگجاہاں ھوار کنگ بوھگ ءَ اَنت ءُ دگہ ھاندان پچیں میدان ءُ ملبہ ءِ سر ءَ واب کنگ ءَ مجبور کنگ بوتگ اَنت۔ اقوام متحدہ ءَ گشتگ کہ 21 ستمبر ءَ فلسطینی سلاہ بندیں گلانی نیمگ ءَ اسرائیل ءِ تہا راکٹ ءِ تیر گواری ءَ ابید غزہ شہر ءَ فلسطینی سلاہ بندیں گل ءُ اسرائیلی اُرد ءِ نیام ءَ جنگ ءِ ھال ھم شنگ بوتگ۔ ایشی ءَ ابید اسرائیل ءِ اُرش ءِ ھال پدا شنگ بوتگ کہ ایشی ءِ تہ ءَ کنٹرول کتگیں تراک ھم ھوار اَنت۔ ءُ 20 ستمبر ءِ نیام ءَ 48 کلاک ءِ وھد ءَ غزہ شہر ءِ 18 ریکارڈ بوتگیں رہائشی ماڑیانی سر ءَ اُرشانی تہ ءَ کم چہ کم 51 فلسطینی بیران بوتگ اَنت کہ ایشی ءِ تہ ءَ نزیک ءَ درست شہری بوتگ اَنت۔ رپورٹ ءِ تہا گشگ بوتگ کہ آوار جنگ ءِ گیشیں لہر چہ غزہ شہر ءَ اسرائیل ءِ نوکیں درکپگ ءِ پرمان، آئی ءِ برجاھیں فوجی کارروائی ءُ بمبتراک ءِ سبب ءَ بوتگ۔ مقبوضہ مغربی کنارہ ءِ وسیلگ ءَ اردن ءِ نیمگ ءَ چہ کمک ءِ ھاتر ءَ یک کلیدی کراسنگ ءِ ھاتر ءَ ایلنبی برج ءِ کراسنگ اردن ءِ ٹرک ڈرائیور ءَ تیر گواری کتگ ءُ دو اسرائیلی سپاھیگ بیران بوتگ انت۔ اگست ءَ اقوام متحدہ ءِ 2720 آسراتی آنی وسیلگ ءَ غزہ ءَ داخل بوتگیں کمک ءِ نزیک ءَ یک بہرے اردن ءِ وسیلگ ءَ اتکگ کہ ایشی ءِ تہ ءَ وردن، درمان ءُ دگہ المی چیز ھوار اَنت۔ غزہ ءِ واکدارانی نوکیں اعداد و شمار ءِ رد ءَ شمبے ءَ بگر داں 24 ستمبر ءَ 357 فلسطینی بیران ءُ 1463 ٹپیگ بوتگ انت۔وزارت جان سلامتی ءِ رد ءَ 7 اکتوبر 2020 ءَ چہ غزہ ءَ 65400 ءَ چہ گیش مردم بیران ءُ 167160 ٹپی بوتگ انت۔ 2025 ءَ کمک ءِ رسگ ءِ جہد کنوکیں مردمانی تہ ءَ مرگ ءِ کساس ءَ گیشی بوتگ ءُ 2531 مردم بیران ءُ 18531 ءَ چہ گیش ٹپی بوتگ اَنت۔ ایشی ءَ ابید اکتوبر 2023 ءَ بگر داں 19 ستمبر 2023 ءِ نیام ءَ 440  زھگ  چہ وردن ءِ سبب ءَ بیران بوتگ اَنت کہ ایشی ءِ تہ ءَ 147 زھگ ھوار اَنت۔