وفاقی وزیر احسن اقبال ءِ گشگ انت کہ سی پیک ءِ چیر دستی ءَ جے سی سی ءِ دیوان سی پیک دوم ءِ آیوکیں وھد ءِ بابت ءَ دوئیں ملک آنی یکجائی ءِ ھیال ءِ درشانی

بیجنگ۔26ستمبر  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ سی پیک ءِ چیر دستی ءَ جے سی سی ءِ دیوان سی پیک دوم ءِ آیوکیں وھد ءِ ھوالگ ءَ دوئیں ملک آنی یکجائی وژن ءِ درشان اِنت۔ جمعہ ءِ روچ ءَ بیجنگ ءَ چین ءُ پاکستان اقتصادی راہداری ءِ چیر دستی ءَ یکجائی کمک کمیٹی ءِ دیوان ءِ گڈی دیوان ءَ گوں گشتانک دیان ءَ آئی ءَ دیوان ءِ میزبانی ءِ سر ءَ چینی واکدار آنی منت گپت ءُ گوشت کہ گند ءُ نند ءَ سی پیک ءِ چیر دستی ءَ جتا جتائیں گامگیج آنی سر ءَ چار ءُ تپاسی کنگ بوتگ۔ آئی ءَ گوشت کہ جے سی سی ءِ دیوان ایوک ءَ سی پیک ءِ چیر دستی ءَ گامگیج آنی سر ءَ چار ءُ تپاسی ءُ پیشرفت نہ اِنت بلکینگ ءَ سی پیک دوم ءِ آیوکیں وھد ءِ ھوالگ ءَ دوئیں ملک آنی یکجائی وژن ءِ سامان اِنت۔ جے سی سی ءِ دیوان ءَ سی پیک ءِ آیوکیں بھر ءَ دوئیں ملک آنی نیام ءَ شریکداری ءُ دیمروئی ءَ را دیمروئی دیگ ءِ راہ آنی سر ءَ چار ءُ تپاسی کنگ بوت۔ احسن اقبال ءَ گوشت کہ سی پیک ءَ را صنعتی کنگ ءِ راہداری ءِ تہ ءَ بدل کنگ ءِ سر ءَ فریق آنی نیام ءَ تپاک بوتگ ۔