اسلام آباد۔ 26 ستمبر (اے پی پی) پاک فوج انا شعبہ تعلقات عامہ (آئی ایس پی آر) نا ڈائریکٹر جنرل لیفٹیننٹ جنرل احمد شریف چوہدری پنجاب یونیورسٹی لاہور نا دورہ ءِ کرے۔ دورہ ٹی ڈی جی آئی ایس پی آر لیفٹیننٹ جنرل احمد شریف چوہدری نا بننگ آ خوانوک آ مارک اودے جم وجوش اٹ بخیرکریر۔ سرجم حوال آتا رداٹ ڈی جی آئی ایس پی آر نا خوانوک آ …
ڈی جی آئی ایس پی آر لیفٹیننٹ جنرل احمد شریف چوہدری نا پنجاب یونیورسٹی لاہور نا دورہ
گیشتریں ھال
اسلام آباد۔ 26 ستمبر (اے پی پی) پاک فوج انا شعبہ تعلقات عامہ (آئی ایس پی آر) نا ڈائریکٹر جنرل لیفٹیننٹ جنرل احمد شریف چوہدری پنجاب یونیورسٹی لاہور نا دورہ ءِ کرے۔ دورہ ٹی ڈی جی آئی ایس پی آر لیفٹیننٹ جنرل احمد شریف چوہدری نا بننگ آ خوانوک آ مارک اودے جم وجوش اٹ بخیرکریر۔ سرجم حوال آتا رداٹ ڈی جی آئی ایس پی آر نا خوانوک آ مار و مسن تتون خصوصی نشست اٹی سوج آتا ورندی ءِ تس۔ خوانوک آ مارک لمہ وطن نا دفاع ٹی پاک فوج اتون ہم کوپہ سلنگ نا پبی عزم ظاہرکریر۔ ڈی جی آئی ایس پی آر وائس چانسلر پروفیسر ڈاکٹر محمد و فیکلٹی باسک آتون ہم اوڑدہی کرے۔ طالب علم و فیکلٹی باسک آک بھارت ءِ شکست تننگ آ پاک فوج ءِ خراج تحسین پیش کریر۔ دود اٹی بشخ ہلوک آک پاریر کہ او وطن عزیز نا دفاع کن استاد و طالب علم آک ہروخت پاک فوج اتون سلوک ءُ، پاک فوج انا برخلاف منفی پروپیگنڈا نا سوب ابہام و شک وشبہ مرمسنے ۔ بشخ ہلوک آک پاریر کہ ڈی جی آئی ایس پی آر تون گپ وتران اٹی ڈِس انفارمیشن و فیک نیوز نا بارواٹی آگاہی ملانے، ورناتیٹی غلط گمانی نا توننگ کن داوڑنا سیشن المی ءِ۔
