سی پیک نا رداٹ جے سی سی دیوان سی پیک ٹو انا آخبت نا بابت ہڑتوم آملک آتا اسیجائی وژن نا ڈیک ءِ، بنجائی وزیر احسن اقبال

بیجنگ۔ 26 ستمبر (اے پی پی) بنجائی وزیر ڈٹ بندی، شونداری و خصوصی گام گیج پروفیسر احسن اقبال پارینے کہ سی پیک نا رداٹ جے سی سی دیوان سی پیک۔ ٹو انا آخبت نا بابت ہڑتوم آ ملک آتا اسیجائی وژن ناڈیک ءِ۔ جمعہ نادے آ بیجنگ اٹی چین پاکستان اقتصادی راہداری (سی پیک) نا رداٹ اسیجائی کمکارکمیٹی نا دیوان نا ایسری سیشن آن تران کرسا اودیوان نا مہمانداری آ چین انا کمامدارآتا منت واری ءِ ہرفے وپارے کہ دیوان اٹی سی پیک نا رداٹ چندی گام گیج آتا جاچ ءِ ہلنگا۔ اوپارے کہ جے سی سی دیوان نئے بیرہ سی پیک نا رداٹ گام گیج آتیا پیش رفت و جاچ بلکن سی پیک ٹو انا آخبت نا بابت ہڑتوم آملک آتا اسیجائی وژن نا ڈیک ءِ، جے سی سی نا دیوان اٹی سی پیک نا بروک آ ریسہ ٹی ہڑتوم آملک آتا نیام اٹ شریداری و نمو ءِ مون آ دننگ نا وڑوڈول آتا جاچ ءِ ہلنگا۔ احسن اقبال پارے کہ فریق آک سی پیک ءِ صنعت کاری نا راہداری ٹی بدل کننگ آ امنا کرینو۔