بیلاروس اتون ٹریکٹر سازی نا بارواٹی معاہدہ کشت وکشار و بزغرآتیکن زیات پیدوار نا سوب مریک، خصوصی کمکار ہارون اخترخان

اسلام آباد۔ 25 ستمبر (اے پی پی) وزیراعظم نا خصوصی کمکار صنعت وپیدوار ہارون اخترخان پارینے کہ بیلاروس اتون ٹریکٹر سازی نا بارواٹی معاہدہ کشت وکشار و بزغرآتیکن زیات پیدوار نا سوب مریک، بڑزکو ہارس پاور ٹریکٹر ز آتا ہندی سی کے ڈی پلانٹ جوڑ کننگ کن زرکاری ءِ پک کینہ۔ اوداہیت ءِ پنچ شنبے نادے آ داڑے ٹریکٹر مینو فیکچررز آتون بڑزکو کہولی دیوان اٹی پارے ہراٹی پرائیویٹ ٹریکٹر انویسٹرز، مارگلہ ہیوی انڈسٹریز لمیٹڈ ، ہیوی انڈسٹریز ٹیکسلا و گرین کارپوریٹ انیشی ایٹیو ز نا نمائندہ غاک ہم بشخ ہلکر۔ دیوان اٹی 57 آن 80 ہارس پاور بیلاروس ٹریکٹر اسمبلی لائن پاکستان اٹی جوڑ کننگ آ غور مس۔ خصوصی کمکار پارے کہ بیلاروس اتون ٹریکٹرآتا بارواٹی معاہدہ کشت وکشار و بزغرآتیکن زیات پیدوار نا سوب مریک، بڑزکو ہارس پاور ٹریکٹر آتا ہندی سی کے ڈی پلانٹ جوڑ کننگ کن زرکاری ءِ پک کینہ۔ اوپارے کہ بروک آ پنچ سال اٹی 2800 یونٹ آتا مارکیٹ پوٹینشل ساڑی ءِ ، گڑاس زرکار بیلاروس ٹریکٹر آتیٹی بھاز است خواہی تخرہ دارداٹ پین ہم مون آ کار و داٹی زرکاری کیر۔ اوپارے کہ پاکستان و بیلاروس انا نیام اٹ بزنس ٹو بزنس تعلق ٹریکٹر اسمبلی ٹی گیم چینجر مریک۔