نیویارک۔ 25 ستمبر (اے پی پی) وزیراعظم محمد شہباز شریف و بنگلہ دیش نا چیف ایڈوائزر پروفیسر محمد یونس کثیر الجہتی کمکاری خاص کر واپار، علاقائی کہول آ کمکاری و ہڑتوم آ ملک آتا الس نا تین پہ تینی تعلقداری تے مون آ دننگ نا عزم انا درشانی ءِ کرینو۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف تون بنگلہ …
وزیراعظم شہباز شریف و بنگلہ دیش نا چیف ایڈوائزر پروفیسر محمد یونس نا اوڑدہی
گیشتریں ھال
نیویارک۔ 25 ستمبر (اے پی پی) وزیراعظم محمد شہباز شریف و بنگلہ دیش نا چیف ایڈوائزر پروفیسر محمد یونس کثیر الجہتی کمکاری خاص کر واپار، علاقائی کہول آ کمکاری و ہڑتوم آ ملک آتا الس نا تین پہ تینی تعلقداری تے مون آ دننگ نا عزم انا درشانی ءِ کرینو۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف تون بنگلہ دیش نا چیف ایڈوائزر پروفیسر محمد یونس اقوام متحدہ نا جنرل اسمبلی نا 80 می دیوان نا وخت آ اوڑدہی کرے۔ ہڑتوم آ راہشون تا خوشگوار چاگڑد اٹی گرم جوشی اٹ اوڑدہی مس و اوپاکستان و بنگلہ دیش نا ہڑتوم آ کنڈآتا تعلقداری تے پین گچین و سوگو کننگ و کثیر الجہتی کمکاری خاص کر واپار، علاقائی کمکاری و ہڑتوم آملک آتا الس نا تین پہ تینی تعلقداری تے ودفنگ آہم گپ وتران کریر۔ وزیراعظم تین پہ تینی عزت و رواداری، تین پہ تینی پت و علاقائی کمکاری و شونداری کون آ اسیجائی مسخت آتیا تالان پاکستان بنگلہ دیش تعلقداری تے پین سوگو کننگ نا عزم انا ہم درشانی ءِ کریر۔ داوخت آ بنگلہ دیش نا چیف ایڈوائزر تین پہ تینی سفارتی تعلقداری ٹی گچینی و جہانی و علاقائی کہول آ پاکستان نا کڑد ءِ ستاکڑزوک گوندسا تین پہ تینی واپار و دودوربیدہ ئی تعلقداری تے گچین کننگ نا اہمیت آ ہم زور شاغا۔ ہڑتوم آ راہشون تا نیام اٹ دوستانہ و گرم جوش وڑاٹ مروک آ دا اوڑدہی ہڑتوم آملک آتا برصغیر و ڈیہہ انا سوگوی و الس نا شونداری و شونہالی نا اسیجائی عزم اکن اواری اٹ کاریم کننگ نا ڈیک ءِ۔
