جی سی سی ءُ برطانیہ ءِ وزارتی دیوان ءَ امن ءِ ھاترا یکجائی کوشست کنگ ءِ لوٹ کنگ بوتگ

نیویارک ۔25ستمبر  (اے پی پی): جی سی سی ءِ ملک ءُ برطانیہ ءَ امن ءِ ھاترا ءُ بحرانانی گیواری ءِ واستہ یکجائی کوشست کنگ ءِ لوٹ کتگ۔ سعودی نیوز ایجنسی ایس پی اے ءِ رد ءَ جی سی سی ءِ دری کارانی وزیر ءُ برطانیہ ءِ دری کارانی سیکرٹری ایویٹ کوپر ءِ گند ءُ نند ءَ پد نیویارک ءَ اے یکجائی بیان جاری کنگ بوتگ۔ یکجائی بیان ءِ تہ ءَ جی سی سی ءِ ملک آنی میانجی داری ءِ کوشست آناں ساڑائی کنگ بیت۔ دیوان ءِ بھر زوروکاں 9ستمبر ءَ دوحہ ءِ سر ءَ اسرائیل ءِ اُرش ءِ مذمت کتگ ءُ اے اُرش ءَ را قطر ءِ وت واجھی ءِ ھاسیں ھلاپ ورزی لیک اِتگ۔ فلسطین ءِ جیڈھ ءِ ھوالگ ءَ آیاں غزہ ءَ ترندیں جنگ بندی ءُ دو ریاستی گیواری ءِ سرجمیں حمایت ءِ ضلورت ءِ سر ءَ زور پر دات کہ اے فلسطین ءِ ریاست ءِ منگ ءِ جار ءِ پیشگال بیت۔ وزارتی دیوان ءَ جیڈھ ءِ پرامن گیواری ءِ واستہ سعودی عرب ءُ فرانس ءِ کرد ءِ ھم توسیپ کنگ بوت۔ فلسطین اتھارٹی ءَ را غزہ ءُ مغربی کنارہ ءِ سر ءَ کنٹرول کنگ ءِ اہل کنگ بیت۔ وزارتی دیوان ءَ اے گپ ءِ یک رندے پدا زور پر دات کہ ایران ءَ جوہری سلاہ مہ بنت۔ اے تہران ءُ واشنگٹن ءِ نیام ءَ عمان ءِ سلطنت ءِ میانجی داری ءِ کوشست آناں ستا کنت۔ ایشی ءِ تہ ءَ ایران ءِ سر ءَ اُرشانی دیم ءَ دارگ ءُ ایران ءِ سرجمیں کمک ءِ سر ءَ گوں میاں اوستمانی ایٹمی توانائی ءِ ادارگ ءَ زور دیگ بیت۔