سرکلر  وام  ءَ گوں گر ءُ چیل بوھگ ءِ منصوبگ یک مزنیں سوبمندی یے ءُ یکجائی کوشست آنی آسر اِنت، آئی ایم ایف ءِ منیجنگ ڈائریکٹر ءَ پاکستان ءِ اقتصادی گہتری ءِ توسیپ کتگ، سرکلر ڈیبٹ فنانسنگ سہولت ءِ بنگیج ءِ مراگش ءَ مزن وزیر شہباز شریف ءِ مجازی گشتانک

نیویارک 25ستمبر (اے پی پی) مزن وزیر محمد شہباز شریف ءَ سرکلر ڈیبٹ ءَ گوں گر ءُ چیل بوھگ ءِ منصوبگ ءَ را مزنیں سوبمندی ءُ یکجائی کوشست آنی آسر لیک اِتگ ءُ گوشت کہ ڈسٹری بیوشن لائن آناں گہتر کنگ ءُ لائن آنی تاوان آنی سر ءَ کنٹرول کنگ مزنیں چیلنج اِنت۔ آئی ایم ایف ءِ منیجنگ ڈائریکٹر ءَ پاکستان ءِ اقتصادی گہتری ءِ توسیپ کتگ ءُ ایس ایل ڈی بی ءِ سبب ءَ کمک ءِ لوٹ کتگ۔ اقتصادی اشارہ آنی تہ ءَ گہتری، ایف بی آر، بجلی ءُ آئی ٹی ءِ شوبگ آنی تہ ءَ گہتری یک سک باز ھاسیں گامگیج اِنت۔ اگاں ما گوں دلیری ءُ جزم ءَ دیم ءَ رواں گڈا ملک سکیں مشکلاں چہ درکپیت ۔ اے ھیالانی درشانی آئی ءَ پنچ شمبے ءِ روچ ءَ پاکستان ءَ توان ءِ شوبگ ءَ سرکلر ڈیبٹ ءِ ھلاسی ءِ واستہ نوکیں تپاک کتگیں سرکلر ڈیبٹ فنانسنگ آسراتی (سی ڈی ایف) ءِ بنگیج ءِ مراگش ءَ گشتانک دیان ءَ کت۔ مزن وزیر ءَ گوشت کہ سرکلر ڈیبٹ ءِ تہ ءَ مُدام گیشی بوھگ ءَ اِنت ایشی ءَ مئے وسیلگ آناں نگلگ ءَ اِنت۔ سرکلر قرضہ ءِ جیڑہ ءَ گوں دیم پہ دیم بوھگ مزنیں سوبمندی یے ۔ پروجیکٹ سرکلر ڈیبٹ ءِ نتیجہ اجتماعی کوشست انت۔ اے کار ءِ کریڈٹ ٹاسک فورس ءَ رسیت۔ وزیر توانائی ءِ سروکی ءَ ٹاسک فورس ءَ دلگوشی ءَ گوں کار کتگ۔ آئی پی پیزا ءِ گوں مذاکرات مزنیں چیلنج ات۔ ٹاسک فورس ءَ آئی پی پیزا ءِ گوما سوبمندیں رنگے ءَ گپ ءُ تران کتگ۔ ہرکس ءَ وتی وتی ذمہ واری سرجمی ءَ پیلو کتگ۔ اے درگت ءَ درستیں سیادی داروکیں فرانزک ءِ مزنیں ءُ مثالی کردے است۔ مارا فیلڈ مارشل سید عاصم منیر  ءِ سرجمیں کمک ءَ چہ سک باز کمک رستگ۔ مزن وزیر ءَ گوشت کہ آئی ایم ایف ءِ منیجنگ ڈائریکٹر ءَ گوں گند ءُ نند کتگ، آئی ءَ پاکستان ءِ کارکردگی ءُ اقتصادی گہتری ءِ ھوالگ ءَ سرجمی ءَ اصلاحات ساڑاتگ انت۔ اولی رند ءَ آئی ایم ایف ءِ منیجنگ ڈائریکٹر ءَ اے گپ ءِ توسیپ کتگ کہ پاکستان اقتصادی گہتری ءِ واستہ مثالی گامگیج آنی گوما اصلاحات ءَ را مخلصی ءُ سنجیدگی ءَ گوں سرجم کنگ ءَ انت۔ آئی ءَ سیلاب ءِ بابت ءَ ھم گپ جتگ ءُ ایشی ءِ سبب ءَ بوتگیں تاوان آنی سر ءَ اپسوز ءِ درشانی کتگ۔ آئی ءَ اے ھوالگ ءَ کمک ءِ دل یکیمی دات کہ ما ایشی ءِ واستہ تیار آں۔ مزن وزیر ءَ گوشت کہ اگاں ما ھمے یکوئی ءِ گوما برجاہ بہ باں گڈا آیوکیں وھد ءَ ھم کامیابی ءِ مارشت رس ایت۔ ایشی ءِ درستیں کریڈٹ پاکستان ءَ انت۔ مزن وزیر ءَ گوشت کہ دیم ءِ گام نوں ڈسٹری بیوشن کمپنی آنی نجکاری انت۔ تقسیم لائنز ءِ گہتری ءُ لائن ءِ نقصانات ءِ کنٹرول کنگ مزنیں چیلنج انت۔ دیمتر ءِ گامگیج ءَ لائن ءِ تاوان ءِ جیڑھ ءِ نیمگ ءَ دلگوش دیگ بہ بیت۔ آئی ءَ گوشت کہ اقتصادی اشارہ، ایف بی آر، بجلی ءُ آئی ٹی ءِ شوبگ آنی تہ ءَ گہتری یک سک باز المی ئیں گامگیج اِنت، ایشی ءَ چہ مارا دلبڈی زورگ لوٹ ایت، دلبڈی ءُ دلیری ءَ گوں دیم ءَ جنزگ ءِ ضلورت اِنت، پاکستان مشکل آنی تہ ءَ چہ درکپیت انشاءاللہ۔ بجلی ءِ شوبگ ءِ وفاقی وزیر عویس احمد خان لغاری ءَ گوشت کہ سرکلر ڈیبٹ ءِ سبب ءَ توانائی ءِ شوبگ ءَ را متاثر بوھگ ءَ اِنت، سرکلر ڈیبٹ ءِ کنٹرول ءِ واستہ تپاکی ءِ وسیلگ ءَ کارروائی ءِ منصوبگ جوڑ کنگ بوتگ، سرکلر ڈیبٹ ءِ ھلاسی ءِ اسکیم توانائی ءِ شوبگ ءَ اصلاحات ءِ بھر اِنت، اے اسکیم ءِ چیر دستی ءَ آیوکیں سال آنی تہ ءَ سرکلر ءِ سرکلر جوڑ کنگ بیت۔ کوشست سیکرٹری انرجی ءُ ایندگر مسئولین ءِ اسکیم ءِ ھاتر ءَ سرکلر ڈیبٹ ءِ ادا کنگ ءِ ھاتر ءَ ستا کرز انت۔ وفاقی وزیر خزانہ محمد اورنگزیب ءَ گوشت کہ گوستگیں یک سال ءَ چہ سرکلر ڈیبٹ ءِ ھلاسی ءِ واستہ کوشست کنگ بوھگ ءَ انت۔ سرکلر قرضہ ءِ ھلاسی ءِ اسکیم یک ھاسیں سنگ میل ءِ انت۔ سرکلر قرض ءِ ھلاسی ءِ اسکیم ءِ توانائی ءِ شوبگ ءِ سر ءَ دور رسیں اثرات بنت۔ صدر حبیب بینک ءَ گوشت کہ اے ایچ بی ایل ءِ واستہ سک باز ارزشتی ایں موہ اِنت۔ صدر ءُ سی ای او پنجاب بینک ظفر مسعود ءَ گوشت کہ اے پاکستان ءِ بینکاری نظام ءِ تہ ءَ راجدپتری سوداگری اِنت۔ سرکلر قرض ءِ ھلاسی ءِ منصوبہ دیم ءَ یک ھاسیں گامگیج اِنت۔ سرکلر قرضہ ءِ ھلاسی ءِ ھاتر ءَ ھچ وڑیں غیر قرضہ سروس سرچارج ءِ سرا زور دیگ نہ بوھگ ءَ اِنت۔ سود ءِ شرح ءِ کمی ءِ سبب ءَ وام شش سال ءِ تہا ادا کنگ بیت۔ اے تاثر کہ بینکاں سرکلر قرضہ ءِ سرا زور دیگ بوہگ ءَ انت اے گپ راست نہ انت۔ سرکلر قرضہ ءِ واپسی ءِ منصوبہ ءَ ہرکس ءِ ھاتر ءَ ترغیب ھوار انت۔ چیئرمین پرائیویٹائزیشن کمیشن محمد علی ءَ گوشت کہ سرکلر ڈیبٹ ءِ واپسی ءِ منصوبگ وفاقی وزیر بجلی ءِ ڈویژن عویس لغاری ءِ گوما مشورہ ءَ جوڑ کنگ بوتگ۔ توان ءِ شوبگ وفاقی وزیر بجلی ءِ ڈویژن عویس لگاری ءِ سروکی ءَ گہتری ءِ نیمگ ءَ روگ ءَ انت۔ توانائی ءِ شوبگ ءَ ھاسیں اصلاحات آرگ بوھگ ءَ انت۔ زانگ بہ بیت پاکستان ءِ حکومت ءَ 18بینک آنی کنسورشیم ءِ کمک ءَ توان ءِ شوبگ ءَ سرکلر ڈیبٹ بحران ءَ گوں گر ءُ چیل بوھگ ءِ واستہ 1.225ٹریلین ءِ سرکلر ڈیبٹ فنانسنگ آسراتی ءِ واستہ یک معاہدے ءِ سر ءَ دستخط کتگ۔ مزن وزیر محمد شہباز شریف ءَ نیویارک ءَ چہ ویڈیو لنک ءِ وسیلگ ءَ مراگش ءَ بھر زوری کت وھدیکہ مزن وزیر گس ءَ وزیر، مزنیں سرکاری حکام، ریگولیٹرز، میاں اوستمانی شریک ءُ بجلی ءِ شوبگ ءِ ادارگ آنی سی ای اوز ءَ مراگش ءَ بھر زوری کت۔ منصوبگ ءِ کلیدی لیکہ آنی تہ ءَ کراچی انٹر بینک آفرڈ ریٹ (کیبور) مائنس 0.9درسد ءِ تہ ءَ فنانسنگ، 6سال ءِ ادائیگی ءِ وھد ءُ آمدنی ءِ رد ءَ ڈیبٹ سروس سرچارج (ڈی ایس ایس) ھوار اِنت۔ منصوبگ ءَ چہ کم چہ کم شش سال ءِ وھد ءَ وام ءِ ھلاسی ءُ صارف آناں 350ارب کلدار ءِ بچت ءِ آسراتی رس ایت۔ اے آسراتی ءِ مول ءُ مراد سرکلر قرضہ ءَ را کم کنگ ءُ دیر ءَ ادائیگی ءِ سر ءَ گرانیں سرچارج ءَ را ھلاس کنگ ءَ صارف آناں 350ارب کلدار ءِ بچت ءِ پھجارینگ اِنت۔ پاور ہولڈنگ لمیٹڈ ءِ قرضہ آناں ریٹائر کنگ ءِ واستہ 659 ارب کلدار کارمرز کنگ بوتگ وھدے کہ رند ءَ آئی پی پی زیڈ کے / جی پی پی زیڈ آر ءِ واستہ ھرچ کنگ بیت تانکہ بجلی ءِ کارمرز کنوک آنی واستہ گیش ءَ چہ گیش بچت کنگ بہ بیت۔