مزن وزیر شہباز شریف ءُ بنگلہ دیش ءِ چیف ایڈوائزر پروفیسر محمد یونس ءَ گند ءُ نند کتگ، کثیر جہتی کمک، وت مہ وتی سیادی ءِ دیمروئی ءِ ھاتر ءَ جزم  ءِ درشانی کتگ

نیویارک۔25ستمبر  (اے پی پی): مزن وزیر محمد شہباز شریف ءُ بنگلہ دیش ءِ چیف ایڈوائزر پروفیسر محمد یونس ءَ دوئیں ملک آنی نیام ءَ کثیر جہتی کمک ھاسیں رنگ ءَ تجارت، دمگی کمک ءُ مردم آنی نیام ءَ سیادی ءِ دیمروئی ءِ واستہ وتی جزم ءِ درشان کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اقوام متحدہ ءِ جنرل اسمبلی ءِ 80می دیوان ءِ ساھت ءَ مزن وزیر محمد شہباز شریف ءَ گوں بنگلہ دیش ءِ چیف ایڈوائزر پروفیسر محمد یونس ءَ گند ءُ نند کتگ۔ دوئیں راہشون آں دوستیں چاگرد ءِ تہ ءَ گند ءُ نند کت ءُ پاکستان ءُ بنگلہ دیش ءِ نیام ءَ دو نیمگی سیادی آناں گیش گہتری ءُ مھکم کنگ ءُ کثیر نیمگی کمک ءَ را گیش کنگ ءِ ھوالگ ءَ دوئیں ملک آنی نیام ءَ تجارت، دمگی کمک ءُ لس مھلوک ءِ سیادی آناں گیش کنگ ءِ ھوالگ ءَ ھیال ءُ لیکہ درشان کت۔ مزن وزیر ءَ وت مہ وتی احترام ءُ برداشت، وت مہ وتی بھروسہ ءُ وت مہ وتی شرپ ءِ سرا زور پر دات۔ ءُ دمگی کمک ءُ دیمروئی کہ یکجائی مول ءُ مراد ءِ سرا بندوک انت، پاکستان ءُ بنگلہ دیش ءِ سیادی ءَ را گیش مھکم کنگ بوت۔ اے موہ ءِ سر ءَ بنگلہ دیش ءِ چیف ایڈوائزر ءَ دو نیمگی سفارتی سیادی آنی تہ ءَ گہتری ءُ جھان ءُ دمگی تک ءَ پاکستان ءِ کرد ءَ را وش اتک کت ءُ دو نیمگی تجارتی ءُ دود ءُ ربیدگی سیادی آنی تہ ءَ گہتری ءِ سر ءَ ھم زور پر دات۔ اے دیوان کہ دوئیں رہشونانی نیام ءَ دوستی ءُ گرمیں چاگردے ءَ برجم دارگ بوتگ، دوئیں ملکانی یکجاھیں جزم ءِ درشان اِنت کہ آ پہ براعظم ءُ دمگ ءِ مھکم ءُ وتی راج ءِ دیمروئی ءُ وشھالی ءَ یکجاہ کار کنگ ءَ اَنت۔