کشمیری راج ءِ وت واجہی ءِ حق ءِ بے مٹیں حمایت ءِ دوبر پدر کنگ ءَ ، جنوبی ایشیا ءَ گوستگیں فوجی کشیدگی ءِ سر ءَ جیڑہ ءِ درشان کنگ ءَ نیویارک ءَ او آئی سی رابطہ گروپ برائے کشمیر ءِ دیوان ءِ  جار

نیویارک۔24ستمبر  (اے پی پی): جموں ءُ کشمیر ءِ ھوالگ ءَ اسلامی کمک ءِ گل ءِ رابطہ گروپ ءَ اقوام متحدہ ءِ سلامتی کونسل ءِ سیادی داروکیں قرارداد آنی رد ءَ کشمیری راج ءِ وت واجہی ءِ ناگزیریں حق ءِ واستہ وتی بے مٹیں حمایت ءِ درشانی کتگ، ایشی ءِ تہ ءَ جنوبی ایشیا ءِ ھوالگ ءَ وتی گہتریں جیڈھ ءِ درشانی کتگ۔ پاکستان ءُ آزاد کشمیر ءِ بازیں جاھاں بے سوبیں اُرش کنگ بوتگ۔ نیویارک ءَ اقوام متحدہ ءِ جنرل اسمبلی ءِ 80می دیوان ءِ ساھت ءَ جموں ءُ کشمیر ءِ ھوالگ ءَ او آئی سی ءِ رابطہ گروپ ءِ باسکیں ملک (آذربائیجان، پاکستان، ترکی، سعودی عرب ءُ نیجر) ءِ درئی کارانی وزیر ءُ مزنیں کارندہ آں گند ءُ نند کت۔ او آئی سی ءِ جنرل سیکرٹریٹ ءُ آزات دائمی انسانی حقانی کمیشن ءِ رپورٹ ءِ پد ءَ مزن وزیر ءِ ھاسیں کمکار سید طارق فاطمی ءَ دیوان ءَ بہر زوروکاں سرپد کت۔ اے دیوان ءِ تہ ءَ رابطہ گروپ ءِ دگہ باسکیں ملک آنی دری کارانی وزیر ءُ مزنیں کارندہ ءُ کشمیری الس ءِ حقیقی نمائندگ یکجاہ بوتگ اَنت ایشی ءَ بھارت ءِ قبضہ ءِ چیر ءَ جموں ءُ کشمیر ءِ نوکیں جاور ھال آنی سر ءَ چار ءُ تپاسی کنگ بوتگ۔ رابطہ گروپ ءَ جموں ءُ کشمیر ءِ جیڈھ ءِ ھوالگ ءَ پیسریگیں او آئی سی ءِ جار ءُ قرارداد آنی پدا پدر کتگ۔  یکجائی جار ءَ 25 ستمبر 2019، 22 جون 2020، 23 ستمبر 2021، 22 مارچ 2022، 21 ستمبر 2022، 17 مارچ 2023، 20 ستمبر 2023، 26 ستمبر 2024  ءُ  22 جون 2025  ءِ جموں  کشمیر ءِ رابطہ گروپ ءِ دیوان آنی وسیلگ ءَ جاڑی کتگیں یکجائی جار آنی ھساب ءُ داد ھوار اَنت۔ دری کارانی وزیر ءُ مزنیں حکام ءَ اقوام متحدہ ءِ سلامتی کونسل ءِ سیادی داروکیں قرارداد آنی رد ءَ کشمیری راج ءِ وت واجہی ءِ ناگزیریں حق ءِ واستہ وتی بے مٹیں حمایت ءِ یک رندے پدر کت۔ ایشاں پاکستان ءِ حکومت ءُ مہلوک ءِ گوما یکوئی ءِ درشانی کت۔ آئی ءَ جنوبی ایشیائی دمگ ءَ گوستگیں وھد ءَ بوتگیں فوجی دیمروئی ءِ سر ءَ وتی گہتریں جیڈھ ءِ درشانی کت کہ ایشی ءِ تہ ءَ پاکستان ءُ آزاد کشمیر ءِ بازیں جاھاں بے سوبیں اُرش ھوار اَنت ءُ گیش ءَ چہ گیش تحمل ءِ کارمرد کنگ ءُ ھما کار آنی تہ ءَ چہ دست کش بوھگ ءِ ضلورت ءِ سر ءَ زور پر دات کہ دمگ ءَ را بے رھبند جوڑ کنت۔ آئی ءَ فوجی دیمروئی ءِ پد ءَ فریق آنی نیام ءَ جنگ بندی ءَ را وش اتک کت ءُ توامیں ملک آنی نیمگ ءَ میانجی داری ءُ دوئیں نیمگ آناں یکجا کنگ ءِ واستہ جوڑیشت ءِ کوشست آناں ساڑات۔ دری کارانی وزیر ءُ مزنیں حکام ءَ اے گپ ءِ سر ءَ زور پر دات کہ 22 اپریل 2025ءَ پہالگام ءِ اُرش ءَ پد ءِ جاور ھال ءَ یک رندے پدا اے گپ پدر کتگ کہ جنوبی ایشیا ءَ دائمی امن ءُ ایمنی جموں ءُ کشمیر ءِ جیڈھ ءِ گڈی گیواری ءِ سر ءَ بندوک مانیت اے گپ ءِ سر ءَ اقوام متحدہ ءِ سیکورٹی کونسل ءِ سیادی داروکیں قرارداد ءُ کشپیری راج ءِ رد ءَ مانیت۔ یکجائی بیان ءِ تہ ءَ  اے گپ ءِ سر ءَ  زور پر دات کہ آزات کشمیر ئُُ گلگت بلتستان ءِ ھوالگ ءَ  لھتیں بھارتی سروک آنی بے بنیں دعویٰ ئُُ غیر ذمہ واریں بیان دمگی امن ءِ واستہ ھترہ ءِ جوڑ کن اَنت۔ یکجائی بیان ءَ  پہلگام اُرش ءَ  پد ناجائزیں رنگ ءَ  مقبوضہ جموں کشمیر ءَ  بھارتی واکدار آنی نیمگ ءَ  سرکوب ءِ سر ءَ  جیڈھ ءِ درشان کنگ بوتگ کہ ایشی ءِ تہ ءَ  نزیک ءَ  2800 مردم دزگیر کنگ بوتگ ئُُ 3 درجن ءِ نزیک ءَ  لوگ ھلاس کنگ بوتگ اَنت۔ آہاں کشمیری نامداریں رہشون شبیر احمد شاہ ءِ برجاہ دارگ ءُ ضمانت ءِ رد کنگ ءِ سرا سک باز جیڈھ ءِ درشانی کتگ کہ آئی ءَ را کینسر ءِ نادراہی ءِ شکار بوتگ۔ درئی کارانی وزیر ءُ مزنیں کارندہاں ھزاراں کشمیری سیاسی جھدکار ءُ انسانی ھکانی جھدکار آنی دراجیں بندیگ کنگ ءِ گیش ءَ چہ گیش مذمت کتگ۔ایشاں کشمیری سیاسی گلانی سر ءَ بندش ءُ کشمیری آنی جائیداد ءِ ضبط کنگ ءِ برجاھیں مہم ءِ ھم مذمت کتگ، سری نگر ءِ راجدپتری جامعہ مسیت ءُ عید گاہ ءَ عید الاضحی ءُ عید الفدر ءِ وڑیں ھاسیں مذہبی موہ آنی سر ءَ مذھبی مچی آنی سر ءَ بندش ءِ ھم مذمت کتگ۔ یکجائی بیان ءَ 5اگست 2019ءَ بھارت ءِ نیمگ ءَ چست کتگیں ناجائز ءُ یک نیمگی گامگیج آنی رد کنگ ءِ پدا پدر کنگ بوتگ ءُ ایشی ءَ پد بھارت ءِ ناجائزیں رنگ ءَ قبضہ کتگیں سرزمین ءِ میاں اوستمانی تک ءَ منگ بوتگیں جھیڑوی جاور ھال ءَ را ھراب کنگ ءُ ایشی ءِ ڈیموگرافک ڈھانچہ ءُ سیاسی ندارگ ءَ را بدل کنگ ءِ ھاترا رد کنگ بوتگ۔ یکجائی بیان ءَ  اے گپ ءِ سر ءَ  زور پر دات کہ ناجائز قبضہ ءِ جموں ئُُ کشمیر ءَ  ھچ وڑیں گچین کاری ءِ کارگس جموں ئُُ کشمیر ءِ اُلس ءَ  را بھارتی آئین ءِ رد ءَ  وت واجہی ءِ حق دیئگ ءِ بدل ءَ  کار کت نہ کنت۔ یکجائی بیان ءَ  او آئی سی ءِ جموں کشمیر ءِ سیکرٹری جنرل ءِ ھاسیں نمائندہ ءِ اپریل 2025 ءَ  پاکستان ئُُ آزاد کشمیر ءِ تر ئُُ تاب ءِ ھم وش اتک کنگ بوتگ۔2مئی 2025ءِ یکجائی پریس بیان ءِ ھم وش اتک کنگ بوتگ۔ نیویارک ءَ اقوام متحدہ ءَ او آئی سی گروپ آف ایمبیسڈرز ءِ نیمگ ءَ جاڑی بوتگیں بیان ءَ اے گپ ءِ سر ءَ زور پر دیگ بوتگ کہ جموں کشمیر ءِ ھوالگ ءَ گیش نہ بوتگیں جیڈھ یک بنیاتی جیڈھ ءِ کہ ایشی ءَ چہ جنوبی ایشیا ءِ امن ءُ ایمنی ءَ را تاوان رسیت۔ سیکرٹری جنرل ءُ او آئی سی ءِ باسکیں ملک آناں چہ لوٹ کنگ بوتگ کہ آ اقوام متحدہ ءَ ھوار جتا جتائیں میاں اوستمانی دیوان آنی تہ ءَ کشمیری الس ءِ نگیگیں جاور آناں پدر بہ کن اَنت۔ او آئی سی ءِ آزاد دائمی انسانی حقانی کمیشن ءَ چہ لوٹ کنگ بوتگ کہ آ آزاد کشمیر ءُ لائن آف کنٹرول ءَ یک حقیقت ءِ پٹ ءُ پولی مشن ءِ روان بہ دنت تانکہ زمینی جاور ھال آنی بابت ءَ اولی دست ءِ سرپدی ءِ ھاتر ءَ بہ رس ایت۔ نیویارک ءُ جنیوا ءَ او آئی سی ءِ مبصر مشن آناں ہدایت کنگ بوتگ کہ آ یکجائی بیان ءِ کاپی ءَ را درستیں باسکیں ملک، اقوام متحدہ ءِ سیکرٹری جنرل ءُ انسانی حقانی ہائی کمشنر ءِ کارگس ءَ روان بہ دنت۔ یکجائی بیان ءِ تہ ءَ بھارت ءَ را زور پر دیگ بوتگ کہ آ بھارت ءِ قبضہ ءِ چیر ءَ جموں ءُ کشمیر ءَ انسانی ھک آنی جاور ھال ءَ را گہتر بہ کنت، کشمیری سیاسی بندیگ آناں یلہ بہ کنت، کشمیری سیاسی گل آنی سر ءَ پابندی ءَ را ھلاس بہ کنت، سرجمیں بندش ءُ سیاہیں کانود آناں ھلاس بہ کنت ءُ جموں ءُ کشمیر ءِ ھوالگ ءَ اقوام متحدہ ءِ سلامتی کونسل ءِ ھمگرنچیں قرارداد آنی سر ءَ عمل بہ کنت۔